Hagai 1:1-15

1  Ka selemo sa bobeli sa Morena Dariuse,+ ka khoeli ea botšelela, ka letsatsi la pele la khoeli, lentsoe la Jehova la hlaha ka moprofeta Hagai+ le e-ea ho Zorobabele+ mora oa Shalatiele,+ ’musisi oa Juda,+ le ho moprista ea phahameng Joshua+ mora oa Jozadake,+ le re:  “Sena ke seo Jehova oa mabotho+ a se boletseng, ‘Ha e le batho bana, ba itse: “Nako ha e e-s’o fihle, nako ea hore ntlo ea Jehova e hahuoe.”’”+  Lentsoe la Jehova la boela la tla ka moprofeta Hagai, la re:  “Na ke nako ea hore le lule matlong a lōna a manehiloeng ka mapolanka,+ ha ntlo ena e le lesupi?+  Joale sena ke seo Jehova oa mabotho a se boletseng, ‘Behang lipelo tsa lōna litseleng tsa lōna.+  Le jetse peō e ngata, empa ho tlisoa ho honyenyane.+ Hoa jeoa, empa eseng ho fihlela ho khotšoe.+ Hoa nooa, empa eseng ho fihlela ho tahiloe. Ho aparoa liaparo, empa eseng hore ho be le mang kapa mang ea futhumalang; ’me ea ikhirisang o ikhirisa bakeng sa mokotla o nang le masoba.’”+  “Sena ke seo Jehova oa mabotho a se boletseng, ‘Behang lipelo tsa lōna litseleng tsa lōna.’+  “‘Nyolohelang thabeng, ’me le tlise lifate tse remiloeng.+ Le hahe ntlo,+ e le hore ke khahlisoe ke eona+ le hore ke tlotlisoe,’+ ho boletse Jehova.”  “‘Ho ne ho batloa ho hongata, empa bonang! ho ne ho e-na le ho honyenyane+ feela; ’me le ho kentse ka tlung ena, ’me ke ile ka ho butsoela+—ka lebaka lefe?’+ ho bolela Jehova oa mabotho. ‘Ka lebaka la ntlo ea ka eo e leng lesupi, ha e mong le e mong oa lōna a ntse a matha molemong oa ntlo ea hae.+ 10  Ka hona maholimo a ile a thiba phoka ea ’ona ka lebaka la lōna, ’me lefatše la thiba lihlahisoa tsa lona.+ 11  Ka ’na ka bitsa hore ho be le komello lefatšeng, le lithabeng, le ho lijo-thollo, le ho veine e ncha,+ le ho oli, le ho seo mobu o neng o tla se hlahisa, le ho motho oa lefatše, le ho phoofolo e ruuoang, le ho sehleng hohle ha matsoho.’”+ 12  Zorobabele+ mora oa Shalatiele, le moprista ea phahameng Joshua mora oa Jozadake,+ le bohle ba setseng ba sechaba ba qala ho mamela lentsoe la Jehova Molimo+ oa bona, le mantsoe a moprofeta Hagai,+ joalokaha Jehova Molimo oa bona a ne a mo romile; ’me batho ba qala ho tšoha ka lebaka la Jehova.+ 13  Hagai lenģosa+ la Jehova a tsoela pele ho bua le batho ho ea ka thōmo ea lenģosa e tsoang ho Jehova,+ a re: “‘Ke na le lōna,’+ ho bolela Jehova.” 14  Jehova a tsosa moea+ oa Zorobabele mora oa Shalatiele, ’musisi oa Juda, le moea oa moprista ea phahameng Joshua+ mora oa Jozadake, le moea oa bohle ba setseng ba sechaba; ’me ba qala ho kena le ho etsa mosebetsi ka tlung ea Jehova oa mabotho Molimo+ oa bona. 15  E ne e le ka letsatsi la mashome a mabeli a metso e mene la khoeli ea botšelela selemong sa bobeli sa Morena Dariuse.+

Mengolo e Botlaaseng ba Leqephe