Exoda 15:1-27

15  Ka nako eo Moshe le bara ba Iseraele ba qala ho binela Jehova pina ena ’me ba bua se latelang:+“E-re ke binele Jehova, kaha o phahame haholo.+O lahletse pere le mopalami oa eona ka leoatleng.+   Matla a ka le bonatla ba ka ke Jah,+ etsoe ke poloko ea ka.+Enoa ke Molimo oa ka, ’me ke tla mo roka;+ ke Molimo oa Ntate,+ ’me ke tla mo phahamisetsa holimo.+   Jehova ke mohale oa ntoa.+ Jehova ke lebitso la hae.+   O lahletse likoloi tsa Faro le mabotho a hae a sesole leoatleng,+’Me bahlabani ba hae ba khethehileng ba tebiselitsoe ka Leoatleng le Lefubelu.+   Metsi a bilohang a ba koahetse;+ ba theohetse bolibeng joaloka lejoe.+   Jehova, letsoho la hao le letona le na le bokhoni bo matla,+Jehova, letsoho la hao le letona le ka tamukanya sera.+   Ka bophahamo ba hao bo boholo u ka liha ba u tsohelang matla;+U romela bohale ba hao bo tukang, bo ba ja joaloka litlhaka.+   Ka phefumoloho e tsoang linkong+ tsa hao metsi a ile a bokelloa;A ema joaloka letamo la meroallo;Metsi a bilohang a hoama bohareng ba leoatle.   Sera sa re, ‘Ke tla ba lelekisa!+ Ke tla ba tšoara!+Ke tla arola thepa e hapuoeng!+ Moea oa ka o tla tlatsoa ke bona!Ke tla tsomula sabole ea ka! Letsoho la ka le tla ba leleka!’+ 10  U bulutse ka phefumoloho+ ea hao, leoatle la ba koahela;+Ba teba joaloka loto metsing a phahameng.+ 11  Ke mang har’a melimo ea joaloka uena, Jehova?+Ke mang ea joaloka uena, ea matla khalalelong?+Ea lokelang ho tšajoa+ ka lipina tsa thoriso,+ Ea etsang limakatso.+ 12  U otlolotse letsoho la hao le letona,+ lefatše la ba metsa.+ 13  Ka mosa oa hao o lerato u tsamaisitse sechaba seo u se lopolotseng;+Ka sebele ka matla a hao u tla se isa sebakeng sa hao sa bolulo se halalelang.+ 14  Lichaba li tla utloa,+ li tla ferekana;+Bohloko ba pelehi+ bo tla tšoara baahi ba Filistia. 15  Ka nako eo baeta-pele ba Edomo ba tla khathatseha;Ha e le bahatelli ba Moabe, ba tla tšoaroa ke ho thothomela.+Baahi bohle ba Kanana ba tla nyahama.+ 16  Ba tla tšoha ’me ba tšabe.+Ka lebaka la boholo ba letsoho la hao e tla ba ba sa sisinyeheng joaloka lejoe,Ho fihlela sechaba+ sa hao se feta, Jehova,Ho fihlela sechaba seo u se hlahisitseng+ se feta.+ 17  U tla se tlisa ’me u se hlome thabeng ea lefa la hao,+Sebakeng se tiisitsoeng seo u lokiselitseng hore u lule ho sona,+ Jehova,Sehalalelong,+ Jehova, seo matsoho a hao a se tiisitseng. 18  Jehova o tla busa e le morena ho isa nakong e sa lekanyetsoang, esita le ka ho sa feleng.+ 19  Ha lipere+ tsa Faro le likoloi tsa hae tsa ntoa le banna ba hae ba palameng lipere ba kena leoatleng,+Joale Jehova a khutlisetsa metsi a leoatle holim ’a bona,+Ha bara ba Iseraele ba tsamaea moo ho omileng bohareng ba leoatle.”+ 20  Eaba Miriame moprofeta oa mosali, khaitseli ea Arone,+ o nka moropa o monyenyane letsohong la hae;+ ’me basali bohle ba qala ho tsoa le eena ka meropa e menyenyane ’me ba etsa metjeko.+ 21  Miriame a ’na a arabela banna:+ “Binelang Jehova,+ kaha o phahame haholo.+O lahletse pere le mopalami oa eona ka leoatleng.”+ 22  Hamorao Moshe a etsa hore Baiseraele ba tlohe Leoatleng le Lefubelu ’me ba tloha ba ea lefeelleng la Shure+ eaba ba tsamaea ka matsatsi a mararo lefeelleng, empa ha baa ka ba fumana metsi.+ 23  Ka mor’a nako ba fihla Mara,+ empa ba ne ba sa khone ho noa metsi a Mara hobane a ne a baba. Ke ka lebaka leo a ileng a reha sebaka seo lebitso la Mara.+ 24  Eaba batho ba qala ho korotlela Moshe,+ ba re: “Re tla noa’ng?” 25  Joale a hoeletsa ho Jehova.+ Kahoo Jehova a mo supisa sefate, eaba o se lahlela ka metsing ’me metsi a e-ba monate.+ Moo A ba tiisetsa molao oa tsamaiso le nyeoe ea kahlolo ’me a ba leka.+ 26  A tsoela pele ho re: “Haeba le tla mamela ka tieo lentsoe la Jehova Molimo oa lōna ’me le etse se nepahetseng mahlong a hae ’me le mamele litaelo tsa hae le ho boloka melao eohle ea hae,+ nke ke ka le tlisetsa lefu leo ke ileng ka le tlisetsa Baegepeta;+ hobane ke ’na Jehova ea le folisang.”+ 27  Ka mor’a moo ba fihla Elime, moo ho neng ho e-na le liliba tsa metsi tse leshome le metso e ’meli le lifate tsa palema+ tse mashome a supileng. Kahoo ba qala ho hloma liahelo moo pel’a metsi.

Mengolo e Botlaaseng ba Leqephe