Deuteronoma 32:1-52

32  “Mamelang, Lōna maholimo, ’me nke ke bue;Lefatše le ke le utloe lipolelo tsa molomo oa ka.+   Taeo ea ka e tla rotha joaloka pula,+Polelo ea ka e tla qhitsa joaloka phoka,+Joaloka pula e nang hasesaane holim ’a joang+Le joaloka lipula tsa melupe holim ’a limela.+   Etsoe ke tla bolela lebitso la Jehova.+Isang boholo ho Molimo oa rōna!+   Ke Lefika, mosebetsi oa hae o phethahetse,+Etsoe litsela tsohle tsa hae ke toka.+Molimo oa botšepehi,+ eo ho eena ho se nang ho hloka toka;+O lokile ’me o khabane.+   Ba entse ka mokhoa o senyang;+Hase bana ba hae, sekoli ke sa bona.+Moloko o khopameng le o sothehileng!+   Na le ntse le etsa ka tsela ee ho Jehova,+Lōna batho ba hlokang kelello le ba seng bohlale?+Na hase Ntat’a lōna ea le hlahisitseng,+Ea le entseng ’me a le tsitsisa?+   Hopolang matsatsi a khale,+Nahanang ka lilemo tsa morao ho tloha molokong o mong ho ea ho o mong;Botsang ntat’a lōna, ’me a ka le bolella;+Le botse banna ba baholo ba lōna, ’me ba ka le phetela.+   Ha Ea Phahameng ka ho Fetisisa a fa lichaba lefa,+Ha a arohanya bara ba Adama,+O ile a tiisa moeli oa lichaba+Mabapi le palo ea bara ba Iseraele.+   Etsoe kabelo ea Jehova ke sechaba sa hae;+Jakobo ke kabelo eo a e ruang.+ 10  O mo fumane naheng ea lefeella,+Le lehoatateng le feela, le se nang letho.+A qala ho mo pota-pota,+ ho mo hlokomela,+Ho mo sireletsa joaloka thaka ea leihlo la hae.+ 11  Feela joalokaha ntsu e sisinya sehlaha sa eona,E ōkaōkela malinyane a eona,+E phukalatsa mapheo a eona, e a nka,E a jara ka masiba a eona,+ 12  Jehova a le mong o ’nile a mo tsamaisa,+’Me ho ne ho se molimo osele hammoho le eena.+ 13  A ’na a mo palamisa libakeng tse phahameng tsa lefatše,+Hoo a ileng a ja lihlahisoa tsa naha.+’Me o ’nile a etsa hore a momone mahe a linotši lefikeng,+Le oli lefikeng le thata;+ 14  Sereleli sa mohlape oa liphoofolo tse khōlō le lebese la mohlape oa likhutšoane+Hammoho le mafura a lipheleu,Le linku tse tona, tse tsoaletsoeng Bashane, le liphooko+Hammoho le mafura a liphio a koro;+U ’nile ua noa mali a morara joaloka veine.+ 15  Ha Jeshurune+ a qala ho nona, joale a raha.+U nonne, u motenya, u khotše hampe.+Kahoo a furalla Molimo, ea mo entseng,+’Me a nyelisa Lefika+ la poloko ea hae. 16  Ba qala ho mo susumelletsa poulelong+ ka melimo esele;+Ba ’na ba mo siteloa ka lintho tse manyala.+ 17  Ba qala ho etsetsa bademona mahlabelo, eseng Molimo,+Melimo eo ba sa kang ba e tseba,+E mecha e sa tsoa hlaha,+Eo baholo-holo ba lōna ba neng ba sa e tsebe. 18  Le lebetse Lefika le le tsoetseng,+’Me la qala ho ntša Molimo mehopolong ea lōna, Ea le tsoetseng ka bohloko ba pelehi.+ 19  Ha Jehova a bona seo, joale a ba hlompholla,+Ka lebaka la ho halefisoa ke bara ba hae le barali ba hae. 20  Kahoo a re, ‘A nke ke ba patele sefahleho sa ka,+A nke ke bone seo qetello ea bona e tla ba sona hamorao.Etsoe ke moloko o khelohileng,+Bara ba se nang botšepehi.+ 21  Ba ntšusumelelitse poulelong ka seo e seng molimo;+Ba nkhalefisitse ka litšoantšo tsa bona tse rapeloang tsa lefeela;+Ke tla ba susumelletsa poulelong ka seo e seng sechaba;+Ke tla ba khopisa ka sechaba se hlokang kelello.+ 22  Etsoe mollo o hotelitsoe bohaleng ba ka+O tla tuka ho fihlela Sheole, sebaka se tlaase-tlaase,+O tla chesa lefatše le lihlahisoa tsa lona+O tla chesa metheo ea lithaba.+ 23  Ke tla eketsa litlokotsi holim ’a bona;+Ke tla sebelisa metsu ea ka holim ’a bona.+ 24  Ba tla khathatsoa ke tlala+ ’me ba tla qetoa matla ke feberu e chesang+Le timetso e bohloko.+Ke tla romela meno a liphoofolo holim ’a bona,+Le mahloko a lihahabi tsa lefatše.+ 25  Ka ntle sabole e tla ba amoha bana,+’Me ka tlung e be tšabo,+Ho mohlankana le moroetsana,+Ea anyang hammoho le motho ea moriri o moputsoa.+ 26  Nka be ke itse: “Ke tla ba qhalakanya,+Ke tla felisa ho bua ka bona har’a batho ba shoang,”+ 27  Hoja ebe ke ne ke sa tšabe matšoenyeho a sera,+Hore bahanyetsi ba bona ba ka utloisisa sena ka ho fosahetseng,+Hore ba ka ’na ba re: “Matsoho a rōna a phahame,+’Me hase Jehova ea hlahisitseng sena sohle.”+ 28  Etsoe ke sechaba seo keletso e leng sieo ho sona,+’Me har’a bona ha ho na kutloisiso.+ 29  Hoja ba ne ba le bohlale!+ Joale ba ne ba tla nahanisisa ka sena.+Ba ne ba tla nahana ka qetello ea bona hamorao.+ 30  Ke joang motho a le mong a ka lelekisang ba sekete,’Me ba babeli ba balehisa ba likete tse leshome?+ Ntle le hore ebe Lefika la bona le ba rekisitse+’Me Jehova o nehelane ka bona. 31  Etsoe lefika la bona ha le tšoane le Lefika la rōna,+Esita le lira tsa rōna li ka etsa qeto.+ 32  Etsoe sefate sa bona sa morara se tsoa sefateng sa morara sa SodomaLe masimong a Gomora.+ Merara ea bona ke merara e chefo,Masihla a eona aa baba.+ 33  Veine ea bona ke mahloko a linoha tse khōlōLe chefo e sehlōhō ea bo-masumu.+ 34  Na ha ea bolokoa ho ’na,Ka tiiso e khomarelitsoeng ho eona ka tlung ea ka ea polokelo?+ 35  Phetetso ke ea ka, le tefetso.+Ka nako e behiloeng maoto a bona a tla therekela,+Etsoe letsatsi la koluoa ea bona le haufi,+Le liketsahalo tse ba loketseng lia potlaka.’+ 36  Etsoe Jehova o tla ahlola batho ba hae+’Me o tla ikutloa a soabile ka bahlanka ba hae,+Hobane o tla bona hore setšehetso se nyametse’Me ho teng feela ea se nang thuso le eo e seng oa bohlokoa. 37  Ka sebele o tla re, ‘Melimo ea bona e hokae,+Lefika leo ba batlileng setšabelo ho lona,+ 38  E neng e ja mafura a mahlabelo a bona,+E noa veine ea linyehelo tsa bona tsa seno?+E ke e eme ’me e le thuse.+E ke e be sebaka seo le ipatang ho sona.+ 39  Bonang joale ke ’na—ke ’na eena+’Me ha ho melimo e meng hammoho le ’na.+Kea bolaea, ’me kea phelisa.+Ke ntšitse maqeba a mabe,+ ’me ’na—ke tla folisa,+’Me ha ho ea hloibilang letsohong la ka.+ 40  Etsoe ke phahamisetsa letsoho la ka leholimong ka kano,+’Me ke re: “Ka ’na ea phelang ho isa nakong e sa lekanyetsoang,”+ 41  Haeba ruri ke leotsa sabole ea ka e phatsimang,+’Me letsoho la ka le tšoara kahlolo,+Ke tla iphetetsa ho bahanyetsi ba ka+’Me ke itefetse ho ba ntlhoileng haholo.+ 42  Ke tla etsa hore metsu ea ka e tahoe ke mali,+Ha sabole ea ka e ja nama,+Le mali a ba bolailoeng le baholehuoa,Le lihlooho tsa baeta-pele ba sera.’+ 43  Thabang, lōna lichaba, hammoho le batho ba hae,+Etsoe o tla pheteletsa mali a bahlanka ba hae,+’Me o tla iphetetsa ho bahanyetsi ba hae+’Me ruri o tla koahela libe tsa lefatše la batho ba hae.” 44  Kahoo Moshe a tla ’me a bolela mantsoe ’ohle a pina ena moo sechaba se ntseng se utloa,+ eena hammoho le Hoshea mora oa Nune.+ 45  Ha Moshe a qeta ho bolella Baiseraele bohle mantsoe ana ’ohle, 46  a tsoela pele ho re ho bona: “Lebisang lipelo tsa lōna mantsoeng ’ohle ao ke le bolellang ’ona kajeno e le temoso,+ e le hore le ka laela bara ba lōna hore ba ele hloko hore ba phethe mantsoe ’ohle a molao ona.+ 47  Etsoe hase lentsoe la lefeela ho lōna,+ empa le bolela bophelo ba lōna,+ ’me ka lentsoe lena le ka lelefatsa matsatsi a lōna holim ’a naha eo le tšelang Jordane ho ea e rua.”+ 48  Jehova a bua le Moshe ka lona letsatsi lena, a re: 49  “Nyolohela thabeng ena ea Abarime,+ Thaba ea Nebo,+ e naheng ea Moabe, e shebaneng le Jeriko, ’me u bone naha ea Kanana, eo ke e fang bara ba Iseraele hore ba e rue.+ 50  Joale u tla shoela thabeng eo u nyolohelang ho eona, ’me u nkeloe ho batho ba heno,+ feela joalokaha moholoane oa hao Arone a shoetse Thabeng ea Hore+ eaba o nkeloa ho batho ba habo; 51  ka lebaka la hore ha lea ka la ’mamela+ har’a bara ba Iseraele metsing a Meriba+ ea Kadeshe lefeelleng la Zine; ka lebaka la hore ha lea ka la nkhalaletsa har’a bara ba Iseraele.+ 52  Etsoe u tla bona naha u le hōle, empa u ke ke ua kena naheng eo ke e fang bara ba Iseraele.”+

Mengolo e Botlaaseng ba Leqephe