Baahloli 14:1-20

14  Joale Samsone a theohela Timna+ ’me a bona mosali Timna oa barali ba Bafilista.  Kahoo a nyoloha eaba o bolella ntat’ae le ’m ’ae o re: “Ke bone mosali Timna oa barali ba Bafilista, ’me joale mphumaneleng eena hore e be mosali oa ka.”+  Empa ntat’ae le ’m ’ae ba re ho eena: “Na ha ho na mosali har’a barali ba barab’eno le har’a sechaba sohle sa heso,+ hoo u eang ho nka mosali ho Bafilista ba sa bollang?”+ Ho ntse ho le joalo Samsone a re ho ntat’ae: “Mphumanele eena, hobane ke eena ea lokileng mahlong a ka.”  Ha e le ntat’ae le ’m ’ae, ba ne ba sa tsebe hore seo se ne se tsoa ho Jehova,+ hore o ne a batla monyetla khahlanong le Bafilista, kaha ka nako eo Bafilista ba ne ba busa Baiseraele.+  Ka lebaka leo Samsone a theohela Timna+ le ntat’ae le ’m ’ae. Ha a fihla lirapeng tsa morara tsa Timna, joale, bonang! taoana e moetse e ne e puruma ha e mo khahlanyetsa.  Joale moea oa Jehova oa sebetsa ho eena,+ hoo a ileng a e arola likoto tse peli, feela joalokaha motho a arola potsanyane e tona likoto tse peli, ’me ho hang ho ne ho se letho letsohong la hae. Ha aa ka a bolella ntat’ae kapa ’m ’ae seo a se entseng.  A tsoela pele ho theoha ’me a qala ho bua le mosali eo; o ne a ntse a lokile mahlong a Samsone.+  Joale ka mor’a nakoana a khutla ho ea mo nkela lapeng.+ Khabareng a khelohela ka thōko ho talima setopo sa tau, ’me ho ne ho e-na le sehlopha sa linotši setopong sa tau, le mahe a linotši.+  Kahoo a a horulela liatleng tsa hae eaba oa tsamaea, a tsamaea a ntse a ja.+ Ha a boela a kopana le ntat’ae le ’m ’ae, hang-hang a ba fa a mang, ’me ba qala ho ja. Ha aa ka a ba bolella hore o ne a horutse mahe ao a linotši setopong sa tau. 10  Ntat’ae a tsoela pele ho theohela ho mosali eo, ’me Samsone a tšoara mokete moo;+ etsoe eo e ne e le tsela eo bahlankana ba neng ba tloaetse ho etsa ka eona. 11  Eare ha ba mo bona, kapele-pele ba nka baetsana ba mashome a mararo, hore ba lule ba e-na le eena. 12  Joale Samsone a re ho bona: “Ka kōpo, e-reng ke le etsetse selotho.+ Haeba ruri le tla mpolella sona nakong ea matsatsi a supileng+ a mokete ’me le se rarolle, tabeng eo ke tla lokela ho le fa liaparo tsa ka tlaase tse mashome a mararo le liaparo tse mashome a mararo.+ 13  Empa haeba le sa khone ho mpolella sona, le tla lokela ho mpha liaparo tsa ka tlaase tse mashome a mararo le liaparo tse mashome a mararo.” Eaba ba re ho eena: “Etsa selotho sa hao, ’me re se utloe.” 14  Kahoo a re ho bona:“Ho se jang+ ho tsoile se jeoang,Ho se matla ho tsoile se monate.”+ Ha baa ka ba khona ho bolela selotho seo ka matsatsi a mararo. 15  Eitse ka letsatsi la bone ba qala ho re ho mosali oa Samsone: “Thetsa monna oa hao e le hore a ka re bolella selotho.+ Ho seng joalo re tla chesa uena le ntlo ea ntat’ao ka mollo.+ Na le ne le re memetse mona hore le tl’o nka maruo a rōna?”+ 16  Ka lebaka leo mosali oa Samsone a qala ho mo llela+ ’me a re: “Ruri u ntlhoile, ’me ha u nthate.+ Ho na le selotho seo u se etselitseng bara ba sechaba sa heso,+ empa ha ua mpolella sona.” Eaba o re ho eena: “Ha kea se bolella ’Mè le Ntate,+ ’me na ke tšoanela ho u bolella sona?” 17  Empa a ’na a mo llela ka matsatsi a supileng ao mokete o neng o tsoela pele ka ’ona, eare ka letsatsi la bosupa a qetella a mo boleletse, hobane o ne a mo qopheletse.+ Joale a bolella bara ba sechaba sa habo selotho seo.+ 18  Kahoo banna ba motse ba re ho eena ka letsatsi la bosupa le pele a ka ea kamoreng e ka hare:+ “Ke eng e monate ho feta mahe a linotši,’Me ke eng e matla ho feta tau?”+ Eaba o re ho bona:“Haeba le ne le sa lema ka khomo ea ka e nyenyane,+Le ka be le sa rarolla selotho sa ka.”+ 19  Moea oa Jehova oa sebetsa ho eena,+ hoo a ileng a theohela Ashkelone+ ’me a bolaea banna ba mashome a mararo ba bona eaba o nka seo a ba hlobolisitseng sona ’me o fana ka liaparo tseo ho ba hlalosang selotho.+ Bohale ba hae ba tsoela pele ho tuka, eaba o ea ntlong ea ntat’ae. 20  Mosali oa Samsone+ ea e-ba oa moetsana+ oa hae ea neng a tloaelane le eena.

Mengolo e Botlaaseng ba Leqephe