2 Samuele 22:1-51
22 Davida a bua le Jehova mantsoe a pina+ ena ka letsatsi leo ka lona Jehova a neng a mo lopolotse liatleng tsa lira+ tsohle tsa hae le seatleng sa Saule;+
2 a tsoela pele ho re:“Jehova ke lefika+ la ka le qhobosheane+ ea ka le Mopholosi oa ka.+
3 Molimo oa ka ke lefika+ la ka. Ke tla tšabela ho eena,Ke thebe+ ea ka le lenaka+ la ka la poloko, sebaka sa ka se phahameng sa tšireletso,+Le sebaka seo ke balehelang ho sona,+ Mopholosi+ oa ka; u mpholosa pefong.+
4 Ke tla ipiletsa ho Ea lokelang ho rorisoa,+ Jehova,Ke tla pholosoa lireng tsa ka.+
5 Etsoe maqhubu a loebehlanang a bolaeang a ile a mpota-pota;+Meroallo e phoroselang ea batho ba se nang molemo ea ’na ea ntšosa.+
6 Liropo tsa Sheole li ile tsa mpota-pota;+Maraba a lefu a ntoba.+
7 Mahlomoleng a ka ka ’na ka ipiletsa ho Jehova,+Ka ’na ka hoeletsa+ ho Molimo oa ka.Joale a utloa lentsoe la ka a le tempeleng ea hae,+Mohoo oa ka o kōpang thuso o le litsebeng tsa hae.+
8 Lefatše la qala ho hlokoleha le ho reketla;+Metheo ea maholimo ea tsukutleha,+Ea ’na ea hlokoleha kahobane o ne a halefisitsoe.+
9 Mosi oa nyoloha linkong tsa hae, ’me mollo oa ’na oa chesa+ ho tsoa molomong oa hae;Mashala a tuka ho tsoa ho eena.+
10 A koba maholimo ’me a theoha;+Botšo bo boholo bo ne bo le ka tlas’a maoto a hae.+
11 A tla a kaletse kerubime+ ’me a tla a fofa;O ne a bonahala holim ’a mapheo a moea.+
12 Joale a itika-tiketsa ka lefifi joaloka maphephe,+Metsi a lefifi, maru a teteaneng.+
13 Ho tsoa khanyeng e ka pel’a hae mashala a tukang a mollo a hlena.+
14 Jehova a qala ho luma a le leholimong,+Ea Phahameng ka ho Fetisisa a qala ho ntša lentsoe la hae.+
15 A ’na a romela metsu, e le hore a ka ba hasanya;+A romela lehalima, e le hore a ka ba ferekanya.+
16 Likotopo tsa leoatle tsa bonahala,+Metheo ea naha+ e behang ea apoloa,Ka lebaka la khalemelo e matla ea Jehova, ka lebaka la pululo ea phefumoloho ea linko tsa hae.+
17 O ne a romeletsa a le phahameng, o ne a nkuka,+O ne a nkhula metsing a mangata.+
18 O ne a ntopolla ho sera sa ka se matla,+Ho ba ntlhoileng; hobane ba ne ba le matla ho mpheta.+
19 Ba ’na ba ntoantša letsatsing la koluoa ea ka,+Empa Jehova ea e-ba setšehetso sa ka.+
20 A ntlisa ka ntle sebakeng se seholo;+O ne a mpholosa, hobane o ne a khahliloe ke ’na.+
21 Jehova o mputsa ho ea ka ho loka ha ka;+O mpuseletsa ho ea ka ho hloeka ha matsoho a ka.+
22 Etsoe ke bolokile litsela tsa Jehova,+Ha kea tloha ho Molimo oa ka ka bokhopo.+
23 Etsoe liqeto tsohle tsa hae tsa boahloli+ li ka pel’a ka;Nke ke ka kheloha litaelo tsa hae tse hlomamisitsoeng.+
24 Ke tla ba ea se nang molato+ ho eena,Ke tla phema ho etsa phoso.+
25 Jehova a ke a mpuseletse ho ea ka ho loka ha ka,+Ho ea ka bohloeki ba ka ka pel’a mahlo a hae.+
26 Ho ea tšepahalang u tla etsa ka botšepehi;+Ho ea se nang molato, ea matla, u tla sebetsa ka mokhoa o se nang molato;+
27 Ho ea ipolokang a hloekile u tla iponahatsa u hloekile,+Ho ea khopameng u tla etsa joaloka leoatla.+
28 U tla pholosa batho ba ikokobelitseng;+Empa mahlo a hao a khahlanong le ba ikhohomosang, e le hore u ka ba theolela tlaase.+
29 Etsoe u lebone la ka, Jehova,+Ke Jehova ea khantšang lefifi la ka.+
30 Etsoe ka uena nka matha khahlanong le sehlopha sa bafutuhi;+Ka Molimo oa ka nka hloa lerako.+
31 Ha e le Molimo oa ’nete, tsela ea hae e phethahetse;+Polelo ea Jehova e hloekile.+Ke thebe ho bohle ba tšabelang ho eena.+
32 Etsoe Molimo ke mang ntle ho Jehova,+Lefika ke mang ntle ho Molimo oa rōna?+
33 Molimo oa ’nete ke qhobosheane+ ea ka e matla,O tla etsa hore tsela ea ka e be e phethahetseng,+
34 A etse hore maoto a ka a be joaloka a likhama tse tšehali;+O mpoloka ke eme libakeng tse mphahametseng.+
35 O ruta matsoho a ka ntoa;+Matsoho a ka a hateletse seqha sa koporo.+
36 U tla mpha thebe ea hao ea poloko,+Ke boikokobetso ba hao bo nketsang hore ke be moholo.+
37 U tla fana ka sebaka se lekaneng bakeng sa mehato ea ka ka tlas’a ka;+Ka sebele maqaqailana a ka a ke ke a tetema.+
38 Ke tla lelekisa lira tsa ka, e le hore nka li felisa,Nke ke ka khutla ho fihlela li felisitsoe.+
39 Ke tla li felisa le ho li roba likoto,+ e le hore li se ke tsa tsoha;+Li tla oela tlas’a maoto a ka.+
40 U tla ntlama ka mafolofolo bakeng sa ntoa;+U tla etsa hore ba ntsohelang matla ba oele ka tlas’a ka.+
41 Ha e le lira tsa ka, ka sebele u tla mpha likotlo tsa tsona;+Ba ntlhoileng haholo—le bona ke tla ba khutsisa.+
42 Ba hoeletsa ho kōpa thuso, empa ha ho na mopholosi;+Ba hoeletsa ho Jehova, empa ha a ba arabe.+
43 Ke tla ba tula hore ba thumisehe joaloka lerōle la lefatše;Ke tla ba silakanya joaloka seretse sa literata;+Ke tla ba otla hore ba tjapalle.
44 U tla mpholosa ho batho ba heso ba tšoaeang liphoso.+U tla ntšireletsa hore ke be hlooho ea lichaba;+Batho bao ke sa kang ka ba tseba—ba tla ntšebeletsa.+
45 Basele ba tla tla ba ikokobeletse ’na;+Litsebe e tla ba tse mamelang ho nkutloa.+
46 Basele ba tla nyamela,Ba tla tsoa ba thothomela marakong a bona a tšireletso.+
47 Jehova oa phela;+ ho bokoe Lefika la ka;+Ho ke ho phahamisoe Molimo oa lefika la poloko ea ka.+
48 Molimo oa ’nete ke Mofani oa liketso tsa phetetso ho ’na+Le Ea lihang lichaba ka tlas’a ka,+
49 Le Ea ’ntšang ho lira tsa ka.+U tla mphahamisetsa+ ka holim ’a ba ntsohelang matla;U tla ntopolla ho monna oa liketso tse mabifi.+
50 Ke ka lebaka leo ke tla u leboha, Jehova, har’a lichaba;+Ke tla binela lebitso la hao lipina tsa thoriso:+
51 Ea etsetsang morena oa hae liketso tse khōlō tsa poloko+Le ea bontšang mosa o lerato ho motlotsuoa oa hae,+Ho Davida le ho peō ea hae ho isa nakong e sa lekanyetsoang.”+
