2 Samuele 1:1-27

1  Eitse ka mor’a lefu la Saule, le ha Davida a ne a khutlile ho bolaeeng Baamaleke,+ Davida a tsoela pele ho lula Ziklage+ matsatsi a mabeli.  Eitse ka letsatsi la boraro, bonang! monna+ e mong o ne a tsoa liahelong, ho Saule, liaparo tsa hae li hahotsoe+ ’me a le mobu hloohong;+ eare ha a fihla ho Davida, hang-hang a itihela fatše+ ’me a khumama.  Davida a re ho eena: “U tsoa hokae?” eaba o re ho eena: “Ke phonyohile liahelong tsa Iseraele.”  Davida a tsoela pele ho re ho eena: “Taba eo e tsamaile joang? Ka kōpo, mpolelle.” Eaba o re: “Batho ba balehile ntoeng ’me batho ba bangata ba oele hoo ba shoeleng,+ esita le Saule+ le mora oa hae Jonathane+ ba shoele.”  Joale Davida a re ho mohlankana ea neng a mo bolella: “U tseba joang hore ehlile Saule o shoele hammoho le mora oa hae Jonathane?”+  Eaba mohlankana ea neng a mo bolella o re: “Ka tšohanyetso ke ile ka ba Thabeng ea Gilboa,+ ’me Saule o ne a itšetlehile ka lerumo la hae;+ bona! bakhanni ba likoloi le banna ba kaletseng ba ne ba mo fumane.+  Ha a reteleha ’me a mpona, joale a mpitsa, ’me ka re, ‘Ke ’na enoa!’  A tsoela pele ho re ho ’na, ‘U mang?’ eaba ke re ho eena, ‘Ke ’na Moamaleke.’+  Joale a re, ‘Ka kōpo, ema holim ’a ka ’me u mpolaee, etsoe kea opeloa, hobane moea+ oa ka kaofela o ntse o le ka ho ’na.’ 10  Kahoo ka ema holim ’a hae ’me ka mo bolaea,+ etsoe ke ne ke tseba hore o ne a ke ke a phela ka mor’a hore a oe. Joale ka nka mofapa-hlooho+ o neng o le hloohong ea hae le sepetja se neng se le letsohong la hae, e le hore nka li tlisa mona ho moren ’a ka.” 11  Eaba Davida o tšoara liaparo tsa hae ’me oa li hahola,+ le banna bohle ba neng ba e-na le eena ba etsa joalo. 12  Ba qala ho bokolla le ho lla+ le ho itima lijo+ ho fihlela mantsiboea ka lebaka la Saule le ka lebaka la mora oa hae Jonathane le ka lebaka la batho ba Jehova le ka lebaka la ba ntlo ea Iseraele,+ hobane ba ne ba oele ka sabole. 13  Joale Davida a re ho mohlankana ea neng a mo bolella: “U tsoa hokae?” eaba o re: “’Na ke mora oa mojaki, Moamaleke.”+ 14  Joale Davida a re ho eena: “Ho tlile joang hore ebe ha ua ka ua tšaba+ ho otlolla letsoho la hao ho felisa motlotsuoa+ oa Jehova?” 15  Eaba Davida o bitsa e mong oa bahlankana ’me o re: “Atamela. Mo hlabe.” Tumellanong le hoo a mo hlaba hoo a ileng a shoa.+ 16  Joale Davida a re ho eena: “Molato oa mali bakeng sa hao o be holim ’a hlooho ea hao,+ hobane molomo oa hao o pakile khahlanong le uena,+ oa re, ‘Ke bolaile+ motlotsuoa oa Jehova.’” 17  Davida a bina pina ena ea koli-ea-malla+ ka lebaka la Saule le mora+ oa hae Jonathane 18  ’me a re bara ba Juda+ ba lokela ho rutoa “Seqha.”+ Bonang! E ngotsoe bukeng ea Jashare:+ 19  “Uena Iseraele, botle bo bolailoe holim ’a libaka tsa hao tse phahameng.+Banna ba matla ba oele hakaakang! 20  Le se ke la ho bolela Gathe;+Le se ke la ho tsebahatsa literateng tsa Ashkelone,+Esere barali ba Bafilista ba nyakalla,Esere barali ba banna ba sa bollang ba thaba.+ 21  Lōna lithaba tsa Gilboa,+ ho se ke ha e-ba le phoka, ho se ke ha e-ba le pula holim ’a lōna, kapa ha e-ba le masimo a menehelo e halalelang;+Hobane thebe ea ba matla e ile ea silafatsoa moo,Thebe ea Saule, hoo ho sa kang ha e-ba le ea mong ea tlotsitsoeng ka oli.+ 22  Maling a ba bolailoeng, mafureng a ba matla,Seqha sa Jonathane ha sea ka sa khutla,+Sabole ea Saule e ne e sa khutle ntle ho katleho.+ 23  Saule le Jonathane,+ ba ratehang le ba khahlehang ha ba ne ba sa phela,Le lefung la bona ha baa ka ba arohanngoa.+Ba ne ba le lebelo ho feta lintsu,+Ba ne ba le matla ho feta litau.+ 24  Lōna barali ba Iseraele, llelang Saule,Ea ileng a le apesa ka sekareleta le mokhabiso,Ea ileng a beha mekhabiso ea khauta liaparong tsa lōna.+ 25  Ba matla ba oele hakaakang bohareng ba ntoa!+Jonathane o bolailoe libakeng tsa hao tse phahameng!+ 26  Ke mahlomoleng ka lebaka la hao, mor’eso Jonathane,U ne u khahleha haholo ho ’na.+Lerato la hao ho ’na le ne le hlolla haholo ho feta lerato le tsoang ho basali.+ 27  Ba matla ba oele hakaakang+Le libetsa tsa ntoa li senyehile hakaakang!”

Mengolo e Botlaaseng ba Leqephe