1 Likronike 19:1-19

19  Eitse ka mor’a moo Nahashe+ morena oa bara ba Ammone a shoa, ’me mora oa hae a qala ho busa sebakeng sa hae.+  Eaba Davida o re: “Ke tla bontša mosa o lerato+ ho Hanune mora oa Nahashe, hobane ntat’ae o mpontšitse mosa o lerato.”+ Ka lebaka leo Davida a romela bahlanka ba hae ho mo tšelisa ka lebaka la ntat’ae, ’me bahlanka ba Davida ba kena naheng ea bara ba Ammone+ ho Hanune ho tla mo tšelisa.  Leha ho le joalo, likhosana tsa bara ba Ammone tsa re ho Hanune: “Na Davida o hlompha ntat’ao mahlong a hao ka hore ebe o rometse batšelisi ho uena? Na hase ka lebaka la ho hlahlobisisa naha le ho e liha le ho e hloela+ bahlanka ba hae ba keneng ho uena?”+  Kahoo Hanune a nka bahlanka ba Davida+ ’me a ba beola+ le ho seha liaparo tsa bona ka lehare ho ea fihla maraong+ eaba o re ba tsamaee.+  Hamorao batho ba tsamaea ’me ba bolella Davida ka banna bao; hang-hang a romeletsa ho ba khahlanyetsa, hobane banna bao ba ne ba tlotlolotsoe haholo; morena a tsoela pele ho re: “Lulang Jeriko+ ho fihlela litelu tsa lōna li e-ba khōlō. Joale le tla khutla.”  Ka mor’a nako bara ba Ammone ba bona hore ba ne ba fetohile ba nkhang hampe+ ho Davida, eaba Hanune+ le bara ba Ammone ba romela litalenta tse sekete+ tsa silevera ho ikhirela likoloi+ le banna ba lipere Mesopotamia le Arame-maaka+ le Zoba.+  Kahoo ba ikhirela likoloi+ tse likete tse mashome a mararo a metso e ’meli le morena oa Maaka le batho ba hae.+ Joale ba kena ’me ba hloma liahelo ka pel’a Medeba;+ ha e le bara ba Ammone, ba bokana ho tsoa metseng ea bona ba ntan’o kena bakeng sa ntoa.  Ha Davida a utloa ka hona, kapele-pele a romela Joabe+ le lebotho kaofela le banna ba matla.+  Bara ba Ammone ba qala ho tsoa eaba ba etsa thekō ea ntoa monyakong oa motse, ’me marena+ a neng a tlile a ne a le mang naheng e sabaletseng. 10  Eitse ha Joabe a bona hore o futuheloa ka pele le ka morao, hang-hang a khetha ba bang ba banna ba khethehileng Iseraele ’me a ba etsa thekō ho ea kopana le Basyria.+ 11  A nehelana ka batho ba bang kaofela letsohong la Abishai+ mor’abo, e le hore a ka ba etsa thekō ho ea kopana le bara ba Ammone.+ 12  A tsoela pele ho re: “Haeba Basyria+ ba e-ba matla ho mpheta, le uena u tla ba poloko bakeng sa ka;+ empa haeba bara ba Ammone ba e-ba matla ho u feta, le ’na ke tla u pholosa.+ 13  E-ba matla,+ e le hore re be sebete molemong oa batho ba habo rōna le molemong oa metse ea Molimo oa rōna;+ ha e le Jehova, o tla etsa se molemo mahlong a hae.”+ 14  Joale Joabe le batho ba neng ba e-na le eena ba atamela ka pel’a Basyria ntoeng,+ eaba ba baleha+ ka pel’a hae. 15  Ha e le bara ba Ammone, ba bona hore Basyria ba balehile, eaba le bona ba baleha+ ka pel’a Abishai mor’abo ba ntan’o kena motseng.+ Hamorao Joabe a kena Jerusalema. 16  Ha Basyria ba bona hore ba hlōtsoe+ ka pel’a Baiseraele, ba romela manģosa le ho ntša Basyria ba neng ba le sebakeng sa Nōka,+ Shofake molaoli oa lebotho la Hadadezere a le ka pel’a bona. 17  Ha Davida a tlaleheloa, kapele-pele a bokella Baiseraele bohle ’me a tšela Jordane eaba o tla ho bona ’me o etsa thekō khahlanong le bona.+ Ha Davida a etsa thekō ea ntoa ho kopana le Basyria, ba qala ho mo loantša. 18  Empa Basyria ba baleha+ ka lebaka la Baiseraele; Davida a bolaea ho Basyria bakhanni ba likoloi ba likete tse supileng le banna ba tsamaeang ka maoto ba likete tse mashome a mane, ’me a bolaea+ Shofake molaoli oa lebotho. 19  Eitse ha bahlanka ba Hadadezere ba bona hore ba hlōtsoe ka pel’a Baiseraele,+ ka potlako ba etsa khotso le Davida eaba ba qala ho mo sebeletsa;+ me Syria ha ea ka ea hlola e batla ho leka ho pholosa bara ba Ammone.+

Mengolo e Botlaaseng ba Leqephe