1 Likronike 14:1-17

14  Hirame+ morena oa Tyre+ a romela manģosa ho Davida le lifate+ tsa kedare le lihahi tsa marako le ba sebetsang ka lehong hore ba mo hahele ntlo.+  Davida a tseba hore Jehova o mo tiisitse+ ka thata e le morena oa Iseraele, kaha borena ba hae bo ne bo phahame haholo ka lebaka la sechaba sa hae sa Iseraele.+  Davida a tsoela pele ho nka basali+ ba eketsehileng Jerusalema, ’me Davida a tsoala bara le barali ba eketsehileng.+  Ana ke mabitso a bana bao a ileng a ba le bona Jerusalema: Shamua+ le Shobabe,+ Nathane+ le Solomone,+  le Ibhare+ le Elishua le Elpelete,+  le Noga le Nefege+ le Jafia,  le Elishama+ le Beliada le Elifelete.+  Bafilista ba utloa hore Davida o ne a tlotsitsoe hore e be morena oa Baiseraele+ bohle. Eaba Bafilista bohle baa nyoloha ho tla batla Davida.+ Ha Davida a utloa ka hona, joale a ba futuhela.  Bafilista ba kena ’me ba ’na ba futuha khohlong ea Barefaime.+ 10  Davida a qala ho botsa Molimo,+ a re: “Na ke futuhele Bafilista, ’me na ka sebele u tla nehelana ka bona letsohong la ka?” Eaba Jehova o re ho eena: “Futuha, ’me ka sebele ke tla nehelana ka bona letsohong la hao.” 11  Kahoo Davida a nyolohela Baale-perazime+ ’me a ba bolaela moo. Eaba Davida o re: “Molimo oa ’nete o qhalakantse lira tsa ka ka letsoho la ka joaloka lekhalo le entsoeng ke metsi.” Ke ka lebaka leo ba ileng ba reha sebaka+ seo lebitso la Baale-perazime. 12  Ka lebaka leo ba siea melimo ea bona moo.+ Joale Davida a ntša taelo, ’me kahoo ea chesoa mollong.+ 13  Hamorao Bafilista ba boela ba futuha khohlong.+ 14  Eaba Davida o botsa+ Molimo hape, joale Molimo oa ’nete a re ho eena: “U se ke ua nyoloha ka mor’a bona. Ba potolohe, ’me u ba futuhele ka pel’a lihlahla tsa bak’ha.+ 15  Etlare ha u utloa molumo oa ho tsamaea holim ’a lihlahla tsa bak’ha,+ joale u tsoe ho ea kena ntoeng,+ hobane Molimo oa ’nete o tla be a tsoile ka pel’a hao+ ho bolaea lebotho la Bafilista.” 16  Kahoo Davida a etsa feela joalokaha Molimo oa ’nete a ne a mo laetse,+ ’me ba qala ho bolaea lebotho la Bafilista ho tloha Gibeone+ ho ea Gezere.+ 17  Botumo+ ba Davida ba qala ho ea linaheng tsohle, ’me Jehova a etsa hore lichaba tsohle li mo tšabe.+

Mengolo e Botlaaseng ba Leqephe