1 Bathesalonika 1:1-10

1  Pauluse le Silvanase+ le Timothea+ ho phutheho ea Bathesalonika e bonngoeng+ le Molimo Ntate le Morena Jesu Kreste: E se eka le ka ba le mosa o sa tšoanelang le khotso.+  Kamehla re leboha Molimo ha re bua ka lōna bohle lithapelong tsa rōna,+  etsoe re hopola re sa phetse mosebetsi+ oa lōna o tšepahalang le mosebetsi oa lōna o lerato le mamello ea lōna ka lebaka la tšepo+ ea lōna ho Morena oa rōna Jesu Kreste ka pel’a Molimo le Ntate oa rōna.  Etsoe, barab’eso ba ratoang ke Molimo, re tseba ho le khetha ha hae,+  hobane litaba tse molemo tseo re li bolelang ha lia ka tsa hlaha har’a lōna ka puo feela empa le ka matla+ le ka moea o halalelang le kholiseho+ e matla, feela joalokaha le tseba hore na re ile ra ba batho ba mofuta ofe ho lōna ka lebaka la lōna;+  le ile la ba baetsisi+ ba rōna le ba Morena,+ kaha le ile la amohela lentsoe tlas’a matšoenyeho+ a mangata ka thabo ea moea o halalelang,+  hoo le ileng la ba mohlala ho balumeli bohle ba leng Macedonia le ba leng Akaia.  ’Nete ke hore, hase feela hore lentsoe la Jehova+ le utloahetse Macedonia le Akaia le tsoa ho lōna, empa tumelo+ ea lōna ho Molimo e hasane sebakeng se seng le se seng,+ hoo ho sa hlokahaleng hore re bue letho.  Etsoe ba ntse ba tlaleha ka tsela eo re ileng ra kena ka eona pele har’a lōna le kamoo le ileng la retelehela ho Molimo ho tloha litšoantšong tsa lōna tse rapeloang+ hore le be makhoba a Molimo ea phelang+ le oa ’nete,+ 10  le ho letela+ Mora oa hae ea tsoang maholimong,+ eo a ileng a mo tsosa bafung,+ e leng, Jesu, ea re lopollang khalefong e tlang.+

Mengolo e Botlaaseng ba Leqephe