Yesaya 6:1-13

6  Na ini a yari di Kownu Usia dede,+ mi si Yehovah+ sidon na tapu wan hei kownusturu+ na wan hei presi. En krosi ben furu a heri tempel.+  Den seraf-engel* ben de tapusei fu en.+ Ibriwan fu den ben abi siksi frei. Nanga tu frei den ben e tapu den fesi+ èn nanga tu frei den ben e tapu den futu. Nanga den tu tra frei den ben e frei lontu.  A wan ben e taigi a trawan nanga wan tranga sten: „Yehovah di e tiri den legre de santa, santa, santa.+ Heri grontapu furu nanga en glori.”  Di den ben e bari a sani disi gi makandra, den doropostu+ bigin seki èn a heri tempel ben kon furu nanga smoko.+  Ne mi taki: „Helu fu mi! Bika na dede mi o dede now. Mi na wan man di no abi wan krin mofo+ èn mi e tan na mindri sma di no abi krin mofo+ tu. Ma toku mi si Kownu Yehovah di e tiri den legre,+ nanga mi eigi ai!”  Dati meki wan fu den seraf-engel teki wan tanga, dan a puru wan faya krofaya+ fu na altari.+ Nanga a krofaya na ini en anu a frei kon na mi.  Dan a poti a krofaya na mi mofo+ èn a taki: „A krofaya disi di mi poti na yu mofo, puru den fowtu fu yu èn yu kisi pardon fu yu sondu.”+  Dan mi yere a sten fu Yehovah. A taki: „Suma sa de wi boskopuman? Suma mi sa seni?”+ Ne mi taki: „Dya mi de! Seni mi.”+  Dan a taki: „Go taigi a pipel disi: ’Ibri tron baka unu o yere, ma unu no o frustan. Ibri tron baka unu o luku, ma unu no o kisi nowan sabi.’+ 10  Meki a pipel disi kon tranga-ede,+ tapu den yesi+ èn tapu den ai. Dan den no o man si nanga den ai, den no o man yere nanga den yesi èn den no o man frustan nanga den ati. Na so den no o man drai kon baka èn den no o man kon betre.”+ 11  Dan mi aksi: „Yehovah, o langa disi o tan so?”+ A piki: „A o tan so teleki den foto tron brokopresi. Nowan sma o tan drape moro, nowan sma o tan na ini den oso, èn a kondre o tron wan busibusi presi.+ 12  Dan Yehovah o teki ala sma tyari go na wan farawe presi. Bigi pisi fu a kondre o leigi.+ 13  Ma wan di fu tin pisi o de ete.+ A pisi dati o bron tu, ma wan pisi o tan abra. A o de leki te den koti+ wan bun bigi bon èn wan tompu+ nomo tan abra. Wan santa pransun o gro na a tompu dati.”+

Futuwortu

Luku „Moro sani”, nr. 24.