Yesaya 41:1-29

41  „Un tabiki, tapu un mofo, dan un arki mi.+ Meki den pipel+ kisi krakti baka. Meki den kon krosibei+ èn taki san den musu taki. Meki wi kon krosibei makandra na fesi krutu.+  Suma seni kari wan sma kon fu a sei pe son e opo?+ Sortu reti-ati sma kari wan sma kon di o dini en èn di o wini den kownu nanga den pipel?+ Suma a gebroiki fu naki den nanga feti-owru neleki den na finifini doti? Suma a gebroiki fu yagi den gowe nanga wan bo neleki fa winti e wai drei grasi gowe?+  Suma tan lon na den baka? Suma ben waka sondro frede na tapu pasi pe a no ben waka ete?  Suma du ala den sani disi?+ Suma kari ibri grupu fu pipel sensi a bigin?+ Na mi, Yehovah, ben de dya fosi.+ Awinsi wan lasti pipel de ete, mi o tan a srefi.”+  Di den tabiki si+ disi den bigin frede. Den moro farawe presi na grontapu bigin beifi.+ Den kon makandra.  Ibriwan fu den go yepi en mati. Den ben taigi den brada: „Abi deki-ati.”+  Na so a man di sabi wroko nanga udu ben gi a smeti deki-ati.+ A sma di e naki isri kon plata nanga wan mokro e gi deki-ati na a sma di e wroko nanga amra. A taki fu a presi pe a fasi na isri na makandra: „A bun.” Te fu kaba wan sma spikri en fasi, so taki a no man seki.+  „Ma yu, Israel, yu na mi futuboi.+ Yakob, yu na a wan di mi teki,+ a pikin fu mi mati+ Abraham.+  Te na den moro farawe pisi fu grontapu mi teki yu.+ Iya, fu den moro farawe pisi fu grontapu mi kari yu kon.+ Ne mi taigi yu: ’Yu na mi futuboi.+ Mi teki yu+ èn mi no drai baka gi yu.+ 10  No frede, bika mi de nanga yu.+ No luku leki yu e frede, bika mi na yu Gado.+ Mi o meki yu kon tranga.+ Mi o yepi yu trutru.+ Iya, mi o hori yu nanga mi reti-anu+ fu retidu.’+ 11  Ala den sma di ati bron nanga yu o kisi syen èn den o kon lagi.+ Den man di e haritaki nanga yu o tron noti èn den o dede.+ 12  Yu o suku pe den man de di e feti nanga yu, ma yu no o feni den.+ A o gersi leki noiti den no ben de.+ Iya, den man di e feti nanga yu o tron noti. 13  Bika mi, Yehovah, na yu Gado di e grabu yu reti-anu hori.+ Mi na a sma di e taigi yu: ’No frede.+ Misrefi o yepi yu.’+ 14  Yakob, yu de leki wan woron,+ ma no frede. Iya, no frede, un man fu Israel.+ Misrefi o yepi yu”, na so Yehovah, a sma di bai yu baka+ èn di de a Santawan fu Israel, taki. 15  „Mi meki yu tron leki wan nyun bradi planga di srapu èn di sma e gebroiki fu masi aleisi.+ Yu o trapu den bergi èn yu o masi den. Yu o meki den pikin bergi kon tron leki aleisibuba.+ 16  Yu o wai den neleki fa sma e wai aleisi fu puru den buba,+ èn winti o wai den gowe.+ Wan bigi winti o wai den go na ala sei.+ Dan yu o prisiri nanga Yehovah.+ Yu o meki bigi gi a Santawan fu Israel.”+ 17  „Den mofinawan nanga den pôtiwan e suku watra fu dringi,+ ma nowan watra de. Den tongo kon drei,+ fu di watra e kiri den.+ Ma mi, Yehovah, o piki den.+ Iya mi, a Gado fu Israel, no o libi den kwetikweti.+ 18  Mi o meki liba lon na den bergi pe nowan sani e gro èn watra-olo o de na den lagipresi.+ Mi o meki a sabana tron wan swampu èn den drei kontren o abi furu watra.+ 19  Na ini a sabana mi o prani sedrebon, akasia-bon, mirte-bon, nanga olibon.+ Na ini a drei sabana mi o prani yaneifer-bon, es-bon, nanga sipres-bon na a srefi ten.+ 20  Dan sma o si, den o sabi èn den o poti prakseri. Den o frustan na a srefi ten taki na Yehovah anu du ala den sani disi èn taki na a Santawan fu Israel srefi sorgu taki den sani disi de.”+ 21  „Un tyari na afersi fu unu na fesi krutu”,+ na so Yehovah taki. „Kon nanga den buweisi fu unu”,+ na so a Kownu fu Yakob taki.+ 22  „Fruteri wi èn taigi wi sortu sani o pasa na ini a ten di e kon. Fruteri wi san na den sani di pasa kaba, so taki wi kan prakseri fu dati èn sabi san o pasa na ini a ten di e kon. Fruteri wi krin san o pasa na ini a ten di e kon.+ 23  Fruteri wi den sani di o pasa bakaten, so taki wi kan sabi taki unu na gado.+ Meki wi si wan kefalek sani di o meki wi fruwondru, awinsi na wan bun sani noso wan ogri sani.+ 24  Unu na noti èn den sani di unu e du na noti tu.+ Mi e tegu gi iniwan sma di e si unu leki gado.+ 25  Mi seni kari wan sma fu noordsei èn a o kon trutru.+ A sma di komoto na a presi pe son e opo+ o gi mi nen glori. A o masi den ondro-granman leki klèidoti,+ èn leki wan patu-bakriman a o trapu na den tapu neleki den na tokotoko. 26  Suma man fruteri san pasa na a bigin, so taki wi kan sabi dati? Suma man fruteri sani fu owruten, so taki wi kan piki: ’Ai, a abi leti’?+ Fu tru, nowan sma man fruteri wi dati. Fu tru, nowan sma man meki wi yere den sani disi. Fu tru, nowan sma e yere wan sani fu unu.”+ 27  Mi na a fosiwan di e taigi Sion: „Luku, den de dya!”+ Mi o meki wan sma tyari bun nyunsu gi Yerusalem.+ 28  Mi tan luku lontu, ma mi no si nowan sma. Nowan fu den ben gi rai.+ Mi tan aksi den fu den gi piki.  29  Den alamala na noti èn den sani di den e du na noti tu. Den popki fu den de leki winti. Den na soso sani.+

Futuwortu