Yesaya 38:1-22

38  Na a ten dati Heskia siki te fu dede.+ Dati meki Yesaya,+ a manpikin fu a profeiti Amos, kon na Heskia èn a taigi en: „Disi na san Yehovah taki: ’Taigi den sma na ini yu osofamiri+ san den musu du, bika yu o dede. Yu no o libi langa moro.’”+  Ne Heskia drai en fesi go na a sei fu a skotu fu a kamra,+ dan a begi Yehovah.+  A taki: „Ke Yehovah, mi e begi yu. Memre+ fa mi gi yesi+ na yu nanga wan krin ati+ èn fa mi dini yu nanga mi heri ati.+ Den sani di yu feni bun, na dati mi du.” Ne Heskia bari krei.+  Dan Yehovah taigi+ Yesaya:  „Go taigi Heskia: ’Disi na san Yehovah, a Gado fu yu afo David,+ taki: „Mi yere a begi fu yu+ èn mi si fa yu krei.+ Mi o meki yu libi ete tinafeifi yari.+  Mi o puru yu nanga a foto fu yu na a anu fu a kownu fu Asiria èn mi o kibri a foto disi.”+  Yehovah o gi yu wan marki fu sori yu taki a e du san a taki. Yehovah taki:+  „Now di son e dongo, a skaduw na tapu a trapu fu Akas de na ondrosei kaba.+ Ma mi o meki a hari tin trei go na baka.”’”+ Safrisafri a skaduw hari tin trei go na baka na tapu a trapu.+  Na den sani disi Kownu Heskia fu Yuda skrifi di a siki+ èn kon betre baka.+ 10  Mi taki: „Now di mi de steifisteifi ete, mi o saka go na den portu fu Grebi.*+Mi no o libi langa moro.”+ 11  Mi taki: „Mi no o si Yah, nôno, mi no o si Yah na ini a kondre fu den libiwan.+Mi no o si libisma moro. Mi o de makandra nanga den wan di de na ini a kondre pe libi no de. 12  A tanpe fu mi de leki wan tenti fu skapuman di sma hari puru èn tyari gowe.+Mi lolo mi libi tapu+ neleki fa wan sma di e brei krosi e lolo wan pisi krosi di a kaba brei.Wan sma koti mi libi puru leki den titei fu wan pisi krosi di a kaba brei.Fu musudei te neti yu e libi mi meki ogri miti mi.+ 13  Mi boboi misrefi teleki mamanten doro.+Leki wan lew a e broko ala mi bonyo.+Fu musudei te neti yu e libi mi meki ogri miti mi.+ 14  Mi e bari leki wan pikin fowru.+Mi e geme leki wan doifi.+Mi e tan luku go na loktu aladi mi ai kon weri kaba:+’Ke Yehovah, luku fa mi e pina. Yepi mi.’+ 15  San mi musu taki ete fu a yere mi èn san a o piki mi?+A piki mi èn a du wan sani fu yepi mi.+Mi ben pina srefisrefi,+ ma now mi o abi sakafasi mi heri libi langa. 16  Ai Yehovah, na fu yu ede sma e libi. Na yu e hori mi na libi neleki fa yu e hori ala tra sma na libi.+Yu o meki mi kon betre baka èn yu o meki mi tan na libi.+ 17  Na presi fu wan switi libi, mi ben e pina, iya, mi ben e pina srefisrefi.+Yu srefi tai hori na mi èn yu sorgu taki mi no go na ini a grebi-olo pe ala sani e pori gowe.+Yu teki ala mi sondu trowe na yu baka.+ 18  Bika Grebi no man prèise yu+ èn dede no man gi yu glori.+Den sma di e saka go na den grebi-olo no man abi a howpu taki yu o du san yu taki.+ 19  Na soso den libisma, iya, na soso den wan di de na libi kan prèise yu+Neleki fa mi e du dati now.+Papa kan leri+ den pikin taki yu na wan sma di de fu frutrow. 20  Grantangi Yehovah, kon yepi mi,+ dan wi o prei harpu+ gi yuNa ini na oso fu Yehovah, wi heri libi langa.’”+ 21  Ne Yesaya taki: „Meki den teki wan kuku di meki fu drei figa èn meki den poti en na tapu a butsweri+ fu Heskia. Dan a o kisi ensrefi baka.”+ 22  Ma Heskia aksi: „Fa mi o sabi taki mi o man go na a oso fu Yehovah baka?”+

Futuwortu

Hebrew wortu: syeol. Luku „Moro sani”, nr. 10.