Yeremia 5:1-31

5  Waka na ini den strati fu Yerusalem, dan yu luku lontu. Luku na den pren efu yu man feni wan sma+ di e du san reti+ èn di e meki muiti fu du san mi wani.+ Efu yu feni so wan sma, dan mi o gi a foto pardon.  Srefi te den e taki: „Mi e sweri na a libi fu Yehovah!”, toku na soso lei den e lei.+  Yehovah, yu e suku den sma di e du san yu wani,+ a no so? Yu naki a pipel,+ ma den no firi noti.+ Yu kiri furu fu den,+ ma toku den no leri wan sani.+ Den meki den fesi moro tranga leki wan stonbergi.+ Den weigri fu drai kon baka na yu.+  Mi srefi taki: „A musu de taki den na mofina sma. Den du don sani, bika den no poti prakseri na a pasi fu Yehovah èn na den wèt fu a Gado fu den.+  Mi o go na den bigiman fu a kondre fu taki nanga den,+ bika mi de seiker taki den sabi a pasi fu Yehovah èn den wèt fu a Gado fu den.+ Mi de seiker taki den alamala broko a tyatyari di Gado poti na den tapu, èn den koti den banti fu en puru.”+  Dati meki wan lew komoto na ini a busi èn a dyompo na den tapu. Wan busidagu fu a sabana nyan den.+ Wan penitigri e luru den na den foto fu den.+ A e priti iniwan sma di e komoto na den foto. Bika den ogri di den du kon furu. Someni leisi den trangayesi Gado.+  Fa mi kan gi yu pardon fu a sani disi? Yu eigi manpikin gowe libi mi, èn den e tan sweri+ na sani di no de gado srefi.+ Ala ten mi gi den san den abi fanowdu,+ ma toku den tan du sutadu+ èn ipi-ipi fu den e go na a oso fu wan huru-uma.  Leki krasi asi di abi tranga koko, ibriwan fu den abi a tranga lostu fu go didon nanga a wefi fu wan tra sma.+  Yehovah taki: „Mi no musu aksi den frantwortu dan fu den sani di den du?+ Mi no musu puru atibron na tapu a pipel di e du den sani disi?”+ 10  „Go koti den droifibon di de na den gron fu en,+ ma no koti den alamala.+ Puru den pransun fu en di panya na ala sei, bika den no de fu Yehovah.+ 11  Bika den sma fu Israel nanga den sma fu Yuda drai baka gi mi krinkrin”,+ na so Yehovah taki. 12  „Den no e bribi na ini Yehovah èn den e taki: ’A no de.+ Nowan rampu noso angriten o miti wi. Nowan sma o kon na wi tapu nanga feti-owru.’+ 13  Den profeiti kon de leki winti. A wortu fu Gado no de na den ini.+ Den wortu fu den na noti, èn na so den o tron tu.” 14  Fu dati ede Yehovah, a Gado di e tiri den legre taki: „Fu di den e taki a sani disi, meki mi o taigi yu san yu musu taki. Den sani di yu musu taki de leki wan faya,+ èn a pipel disi o de leki pisipisi udu di a faya o bron.”+ 15  Yehovah taki: „Luku, un Israelsma! Mi o meki wan pipel fu farawe kon feti nanga unu.+ A pipel disi de someni langa kaba,+ sensi owruten. Unu no sabi a tongo fu den, èn unu no man frustan san den e taki. 16  A peirikokro fu den de leki wan grebi di opo. Den alamala na tranga man.+ 17  Den o nyan den sani di unu prani nanga den tra nyanyan di unu abi.+ Den man o kiri un manpikin nanga un umapikin. Den o nyan den skapu nanga den kaw fu unu. Den o pori den droifibon nanga den figabon fu unu.+ Nanga feti-owru den o naki ala den tranga foto fu unu panya, aladi unu ben denki taki den bigi skotu ben o kibri unu.” 18  Yehovah taki: „Srefi na a ten dati, mi no o figi un alamala puru.+ 19  Dan unu o taki: ’Fu san ede Yehovah wi Gado du ala den sani disi nanga wi?’+ Dan yu musu taigi den: ’Fu di unu gowe libi mi èn unu go dini wan gado fu trakondre sma na ini un eigi kondre, meki unu o tron futuboi fu trakondre sma na ini wan kondre di no de fu unu.’”+ 20  Taigi den sma fu Yakob èn fruteri ala sma fu Yuda: 21  „Un don pipel di no abi frustan,+ un arki. Unu abi ai, ma unu no man si.+ Unu abi yesi, ma unu no man yere.+ 22  Yehovah taki: ’Unu no e lespeki mi+ èn unu no e frede mi srefisrefi.+ Mi na a sma di poti a santi leki wan skotu gi a se. Noiti a o man pasa a skotu dati. Awinsi o hei den skwala fu en de èn awinsi fa a se e rigeri, toku a no o man pasa.+ 23  Ma a pipel disi tranga-ede èn den lobi opo densrefi teige mi. Den drai baka gi mi èn den e waka den eigi pasi.+ 24  Den no prakseri srefi: „Meki wi sori lespeki gi Yehovah wi Gado,+ di e meki alen fadon. A e gi wi alen na a bigin fu a yari èn moro lati na ini a yari.+ Na en e meki taki wi man koti nyanyan na spesrutu ten.”+ 25  Na den ogri di unu e du meki taki den sani disi no e pasa moro. Na den sondu di unu e du meki taki unu no e feni bun moro.+ 26  Bika ogri sma de na mindri mi pipel.+ Den e sidon luru neleki sma di e sidon luru fowru fu fanga den.+ Den seti wan ogri trapu. Na libisma den e fanga. 27  Neleki wan koi di furu nanga fowru, na so den oso fu den furu nanga sani di den kisi fu di den bedrigi sma.+ Dati meki den kon tron prenspari sma èn den kisi gudu.+ 28  Den kon fatu+ èn den skin e brenki. Den du ogri pasa marki. Den no e krutu nowan sani na wan reti fasi,+ srefi te a abi fu du nanga a krutu-afersi fu wan pikin di no abi papa.+ Na so den e suku wini gi densrefi nomo.+ Den no e yepi den mofinawan na fesi krutu.’” 29  Yehovah taki: „Mi no musu aksi den frantwortu dan fu den sani di den du? Mi no musu puru atibron na tapu a pipel di e du den sani disi?+ 30  Wan ogri sani di meki sma skreki, pasa na ini a kondre.+ 31  Den profeiti srefi e taki profeititori di no tru.+ Den priester e kwinsi sma, fu di den abi a makti fu du dati.+ Na dati mi pipel lobi.+ Ma san unu o du te fu kaba?”+

Futuwortu