Titus 3:1-15

3  Tan memre den fu saka densrefi na ondro+ gran lanti èn na ondro den wan di abi makti èn fu gi yesi na den.+ Tan memre den tu fu de klariklari fu du iniwan sani di bun.+  Den no musu taki ogri fu nowan sma, noso de sma di lobi meki trobi,+ ma den musu fiti densrefi makriki na trawan+ èn den musu abi trutru safri-ati gi ala sma,+  bika wan ten ben de taki wisrefi ben e du dondon sani, wi ben trangayesi èn sma ben e kori wi. Ala sortu lostu ben e basi wi èn na soso prisiri wi ben e prakseri. Wi ben e libi takru èn wi ben dyarusu. Wi ben du tegu sani èn wi no ben lobi makandra kwetikweti.+  Ma di Gado, wi Frulusuman,+ sori+ taki a abi bun-ati+ èn taki a lobi libisma,  (no fu di wi ben du+ bun sani,+ ma fu di a abi sari-ati),+ dan a frulusu wi di a wasi+ wi fu kisi nyun libi+ èn di a meki wi kon nyun nanga a santa yeye.+  Nanga yepi fu Yesus Krestes, wi Frulusuman, a gi wi a yeye fu en bogobogo.+  Gado du disi fu meki wi tron sma di abi a howpu+ fu kisi têgo libi leki wan gudu,+ soleki fa a ben pramisi wi. Na fu di a sori wi bun-ati,+ meki wi o kisi a têgo libi disi, baka te a taki dati wi na reti-ati sma.+  Yu kan bribi den sani disi.+ Mi wani taki ala ten yu musu fruteri sma krin taki den tori disi de so trutru, so taki den sma di ben e bribi kaba na ini Gado kan tan luku fa den kan hori a gwenti fu du bun.+ Den sani disi bun èn den e tyari wini kon gi sma.  Ma no go na ini ala sortu dondon takitaki.+ No lasi ten fu go luku suma na den afo fu yu.+ No go haritaki+ nanga sma èn no go meki trobi fu a Wèt,+ bika den sani disi no e tyari wini kon èn den de fu soso. 10  Efu wan sma e kon nanga falsi leri+ èn yu bari en wan leisi èn baka dati ete wan leisi,+ dan yu no musu bumui nanga en moro,+ 11  bika yu sabi taki so wan sma gowe libi a pasi. A e sondu èn a e krutu ensrefi.+ 12  Te mi seni Artemas, noso Tikikus+ kon na yu, dan yu musu du ala muiti fu kon na mi na Nikopolis, bika na drape mi wani tan a kowru ten fu a yari.+ 13  Yu musu gi Seinas, di sabi a Wèt heri bun, nanga Apolos, ala den sani di den o abi fanowdu te den de na pasi.+ 14  Ma meki den brada fu wi leri sosrefi fu tan du bun, so taki den kan sorgu gi den sani di den abi tranga fanowdu.+ Na so fasi den o abi bun bakapisi ala ten.+ 15  Ala den sma di de nanga mi, e seni taki yu odi.+ Gi ala den sma di lobi wi èn di de na bribi, odi gi mi. Meki Gado sori un alamala bun-ati.+

Futuwortu