Deuteronomium 13:1-18

13  Kon meki wi taki dati wan profeiti+ noso wan sma di e fruklari dren,+ gi unu wan marki noso a du wan wondru fu sori taki wan sani o pasa na ini a ten di e kon.+  Kande a taki: ’Meki wi anbegi tra gado di unu no sabi èn meki wi go dini den.’ We, awinsi sani pasa trutru soleki fa a taki,+  toku un no musu arki a profeiti dati noso a sma di e fruklari dren.+ Bika Yehovah un Gado e meki a sani disi pasa fu luku+ efu unu lobi Yehovah un Gado nanga un heri ati èn nanga un heri libi.*+  Na Yehovah un Gado un musu anbegi, èn na en un musu lespeki. Na den komando fu en un musu hori unsrefi èn na en un musu gi yesi. Na en un musu dini èn na en un musu tai hori.+  Un musu kiri+ a profeiti+ dati noso a sma di e fruklari dren, bika na so a e gi unu deki-ati fu opo unsrefi teige Yehovah un Gado di frulusu unu èn di puru unu na ini Egepte pe unu ben de srafu. A sma dati ben wani taki unu no musu libi soleki fa Yehovah un Gado taigi unu fu libi.+ Un musu puru ala ogri na un mindri.+  Kon meki wi taki dati yu mama en manpikin (sobun yu brada), noso yu manpikin, yu umapikin, yu lobi wefi, noso yu mati di yu lobi leki yusrefi,+ wani kori yu na wan kibri fasi fu go dini tra gado+ di yu nanga den afo fu yu no ben sabi.  Sobun, a wani taki yu musu go dini son gado fu den pipel di de na un lontu, noso den pipel di de krosibei noso farawe fu unu, noso iniwan tra pipel di e libi fu a wan sei fu a kondre te go miti a tra sei fu a kondre.  We, yu no musu du san a wani èn yu no musu arki en.+ Yu no musu abi sari-ati+ gi en èn yu no musu kibri en.  Na presi fu dati yu musu kiri en.+ Yu na a fosi sma di musu trowe ston na en tapu fu kiri en. Baka dati a heri pipel musu trowe ston na en tapu.+ 10  Yu musu trowe ston na en tapu teleki a dede,+ fu di a ben wani taki yu musu drai baka gi Yehovah yu Gado di puru unu na Egepte pe unu ben de srafu.+ 11  Dan ala sma na ini Israel o kon frede te den yere san pasa èn noiti moro wan sma o wani du so wan ogri na un mindri.+ 12  Kande unu yere na ini wan fu den foto di Yehovah un Gado gi unu fu tan, taki sma e taki 13  dati wan tu wisiwasi man fu a foto+ e pruberi fu meki den tra sma fu a foto drai baka gi Gado.+ Den man taki dati sma musu go dini tra gado, aladi unu no sabi den gado dati. 14  Efu unu yere so wan tori, dan un musu ondrosuku èn aksi finifini efu a tru.+ Efu a tru taki den du a bigi ogri disi na un mindri, 15  dan un no musu draidrai fu kiri den sma fu a foto dati nanga feti-owru.+ Un musu pori a foto nanga ala sani na ini èn nanga feti-owru un musu kiri+ ala den osometi. 16  Un musu tyari ala den gudu fu a foto kon na wán na mindrisei fu a pren fu a foto, dan un musu bron a heri foto+ nanga den gudu. Un musu bron den krinkrin, leki wan ofrandi gi Yehovah un Gado. Fu ala ten a foto musu tan wan brokopresi.+ Noiti un musu bow en baka. 17  Un no musu teki nowan fu den sani di musu kisi pori.+ Dan na ati fu Yehovah o kon kowru+ èn a o abi sari-ati. Iya, a o sori unu sari-ati+ èn a o meki unu kon furu, soleki fa a pramisi den afo fu unu.+ 18  Un musu hori den komando+ fu Yehovah un Gado di mi e taigi unu tide. Na so unu o gi yesi na Yehovah un Gado èn unu o du san a feni bun.+

Futuwortu

Hebrew wortu: nefesj. Luku „Moro sani”, nr. 8.