Esekièl 38:1-23

38  Baka dati Yehovah taigi mi:  „Manpikin fu libisma,+ luku go na a sei fu Gok fu a kondre Magok,+ na edeman fu den kondre Meisek+ nanga Tubal+ èn fruteri Gok san o pasa nanga en.  Yu musu taki: ’Disi na san a Moro Hei Masra Yehovah taki: „Gok, luku, mi o strafu yu di de edeman fu den kondre Meisek nanga Tubal.  Mi o puru yu prakseri fu a sani di yu wani go du èn mi o poti aka na ini yu kakumbe.+ Mi o meki yu hari go feti makandra nanga a heri legre fu yu,+ iya, makandra nanga ala yu asi èn nanga den sma di e rèi den. Ala den sma di e rèi den asi o weri moi krosi+ èn den o de nanga furu. Den o abi bigi skelt nanga pikin skelt èn den alamala sabi fa fu feti nanga feti-owru.+  Den sma fu Persia,+ Etiopia,+ nanga Put+ de nanga den tu. Den alamala abi wan pikin skelt èn den e weri wan hèlm.  Gomer+ de nanga yu makandra nanga ala den legre fu en. Den bakapikin fu Togarma,+ di komoto na den moro farawe presi fu noordsei, de nanga yu sosrefi, makandra nanga ala den legre fu den. Iya, furu sma de nanga yu.+  De srekasreka èn seti sani gi yusrefi. Ala den sma di kon makandra nanga yu,+ iya, den wan di de nanga yu, musu du dati tu. Na yu musu de a fesiman fu den.  Baka wan heri pisi ten mi o poti prakseri na yu. Te fu kaba, baka furu yari yu o kon na a kondre+ fu den sma di mi frulusu fu a feti-owru. Mi puru den na mindri den furu pipel fu tra kondre+ èn mi tyari den go libi na tapu den bergi fu Israel. Wan langa pisi ten den bergi disi ben de brokopresi pe nowan sma ben e tan. Mi puru a pipel fu a kondre disi na mindri den tra pipel èn den alamala e libi na ini a kondre sondro fu frede wan sani.+  Sondro misi yu o hari kon feti nanga den. Leki wan bigi winti yu o kon na ini a kondre.+ Yu nanga ala den legre fu yu, sosrefi den furu pipel di de nanga yu, o kon de leki wolku di e tapu a kondre.”’+ 10  A Moro Hei Masra Yehovah taki: ’Na a dei dati yu o sidon prakseri+ èn yu o luku fa yu kan du ogri nanga den.+ 11  Yu o taki: „Mi o hari go feti nanga a kondre di abi dorpu sondro skotu.+ Mi o kon feti nanga den wan di no abi nowan broko-ede èn di no frede taki ogri kan pasa nanga den. Den alamala e libi na ini dorpu sondro skotu,+ bowtu, nanga doro.” 12  Yu abi na prakseri fu teki bun furu gudu fu den+ èn yu wani fufuru wan lo tra sani fu den tyari gowe. Yu wani go pori den presi pe sma ben go libi baka+ èn yu wani du ogri nanga wan pipel di mi ben puru na mindri den trakondre sma.+ Na a pipel disi e tyari furu gudu+ kon na wán èn den e libi na mindrisei+ fu grontapu. 13  Skeiba,+ Dedan,+ nanga den bisnisman fu Tarsis,+ makandra nanga den tiriman fu den di de leki yongu lew,+ o taigi yu: „Na kon yu wani kon na ini a kondre fu teki furu gudu tyari gowe? Na tyari yu tyari someni sma kon na wán, soso fu di yu wani fufuru solfru, gowtu, nanga wan lo tra gudu? Na bigi gudu yu wani tyari gowe so?”’ 14  Fu dati ede, manpikin fu libisma, taki san o pasa nanga Gok. Taigi en: ’Disi na san a Moro Hei Masra Yehovah taki: „Na a dei dati yu o sabi taki mi pipel Israel e libi na ini a kondre fu den sondro fu frede taki wan sani o pasa nanga den.+ 15  Yu o komoto na a presi pe yu e tan, iya, yu o komoto te na den moro farawe presi na noordsei.+ Yu o kon makandra nanga furu pipel èn den alamala e rèi asi. Den de nanga furu, iya, den de wan bigi legre.+ 16  Sondro misi yu o hari kon feti nanga mi pipel Israel. Yu o kon na den tapu, neleki fa wolku e kon fu tapu a kondre.+ Disi o pasa na den lasti dei. Gok,+ mi o gi yu na okasi fu hari go feti nanga mi kondre.+ Na so fasi den pipel o kon sabi suma na mi, te mi o meki misrefi kon santa leti na den fesi nanga yepi fu unu.”’ 17  Disi na san a Moro Hei Masra Yehovah taki: ’A no yu+ na a sma di mi ben taki fu en na ini owruten? A no fu yu den profeiti fu Israel di ben de mi futuboi, ben taki na a ten dati? Someni yari den profeiti ben taki dati yu ben o kon feti nanga den.’+ 18  A Moro Hei Masra Yehovah taki: ’Na a dei dati, iya, na a dei te Gok doro na ini Israel, mi o kisi so wan bigi atibron taki a o de fu si na mi fesi.+ 19  Mi o mandi srefisrefi+ èn mi o taki nanga bigi atibron.+ Iya, a dei dati wan bigi gronseki o de na ini Israel.+ 20  Fu mi ede meki den fisi fu se, den fowru di e frei na loktu, den busimeti, ala den meti di e kroipi na gron, nanga ala libisma musu beifi.+ Den bergi nanga den hei bergiston o broko fadon+ èn ibri skotu o fadon.’ 21  ’Na ini a heri bergikontren fu mi, mi o kari sma fu go feti nanga Gok’, na so a Moro Hei Masra Yehovah taki.+ ’Sma o feti nanga makandra.+ 22  Mi srefi o krutu en,+ so taki takru siki+ naki en nanga en legre. Mi o strafu den fu di mi o kiri den.+ Mi o meki wan bigi alen fadon di o sungu ala sani. Boiti dati, mi o meki pisipisi ijs+ fadon kon na en tapu èn mi o seni faya+ nanga ston di e bron kon na en tapu, na tapu den legre fu en èn na tapu den furu pipel di de nanga en.+ 23  Mi o gi misrefi glori èn mi o meki misrefi kon santa.+ Mi o meki furu pipel kon sabi suma na mi. Den sa musu fu sabi taki mi na Yehovah.’+

Futuwortu