2 Korentesma 1:1-24

1  Mi, Paulus, di tron wan apostel+ fu Krestes Yesus fu di Gado wani, nanga wi brada Timoteyus,+ e skrifi a brifi disi gi a gemeente fu Gado di de na Korente èn gi ala den santawan+ di de na ini heri Akaya:+  Meki Gado, wi Tata, nanga Masra Yesus Krestes sori unu bun-ati èn meki den sorgu taki ala sani waka bun gi unu.+  Prèise a Gado nanga a Tata+ fu wi Masra Yesus Krestes, a Tata di abi furu sari-ati,+ a Gado fu ala trowstu,+  di e trowstu wi te wi de na ini ala sortu banawtu.+ A trowstu+ di wi e kisi fu Gado+ e meki taki wi man trowstu tra sma tu di de na ini ala sortu banawtu.  Wi e pina furu fu Krestes ede,+ ma wi e kisi furu trowstu tu nanga yepi fu Krestes.+  Sobun, te wi de na ini banawtu, dan unu e kisi trowstu nanga frulusu.+ Te wi e kisi trowstu, dan unu e kisi trowstu tu, so taki unu kan horidoro te unu musu nyan pina neleki wi.+  Dati meki wi abi ala howpu gi unu. Wi sabi taki unu e pina neleki wi, ma unu e kisi trowstu neleki wi tu.+  Brada, wi wani taki un musu sabi sortu banawtu miti wi na ini a distrikt Asia.+ Wi kisi bun hebi tesi, taki wi no ben man tyari en moro. Wi no ben sabi srefi efu wi ben o tan na libi.+  Fu taki en leti, wi ben firi leki na dedestrafu wi kisi. Disi pasa, so taki wi no ben o frutrow+ na tapu wisrefi, ma na tapu a Gado di e gi dede sma wan opobaka.+ 10  A frulusu wi fu dede srefi èn wi de seiker taki a o frulusu wi baka.+ Wi abi a howpu taki a o tan frulusu wi.+ 11  Ma unu kan yepi wi tu te unu e begi fayafaya gi wi.+ Bika te furu sma e begi+ taki wi feni bun èn dati e pasa trutru, dan furu sma kan taigi Gado tangi+ gi dati. 12  Bika nanga wan krin konsensi+ wi e meki bigi taki na ini grontapu èn spesrutu na un mindri, wi tyari wisrefi na wan santa fasi èn nanga wan krin ati soleki fa Gado wani. Wi no e frutrow tapu libisma koni,+ ma wi e frutrow tapu a bun-ati fu Gado. 13  Fu taki en leti, wi no e skrifi unu nowan tra sani, boiti den sani di unu sabi bun èn di unu e bribi tu. Mi e howpu taki unu o tan bribi den sani disi te na a kaba.+ 14  Sonwan fu unu sabi kaba taki unu kan meki bigi fu wi ede+ neleki fa wi o meki bigi gi unu na a dei fu wi Masra Yesus.+ 15  Fu di mi de seiker fu a sani disi, meki mi ben wani kon na unu ete wan leisi,+ so taki unu ben o prisiri ete wan leisi.+ 16  Mi ben o pasa na unu te mi ben o go na Masedonia,+ èn baka Masedonia, mi ben o kon baka na unu.+ Dan unu ben kan tyari+ mi afupasi go na Yudea. 17  We, mi no teki a bosroiti disi sondro fu prakseri bun fosi.+ Te mi e teki bosroiti, mi no e prakseri misrefi nomo.+ Mi no o taki „Iya, Iya” fosi, èn baka dati „Nôno, Nôno”.+ 18  San wi e taigi unu de tru, unu kan frutrow Gado. Wi no e taigi unu Iya fosi, èn Nôno baka dati. 19  Mi nanga Selfanus nanga Timoteyus+ ben preiki gi unu fu a Manpikin fu Gado,+ Krestes Yesus. A no ben tron Iya fosi, èn Nôno baka dati, ma a meki Iya tan Iya.+ 20  Bika awinsi o furu den pramisi+ fu Gado de, den tron Iya nanga yepi fu en.+ Fu dati ede wi e taki „Amen”+ nanga yepi fu en tu, so taki wi kan gi Gado glori. 21  Ma a sma di e gi a dyaranti taki unu nanga wi na fu Krestes èn a sma di salfu+ wi, na Gado. 22  Boiti dati, a gi wi wan dyaranti+ fu san musu kon. A gi wi a santa yeye+ di de leki wan stampu+ na tapu wi ati. 23  Mi no kon na Korente ete, fu di mi no wani meki unu firi moro sari.+ Meki Gado de mi kotoigi+ na ini a tori disi èn meki fluku kon na mi tapu efu a sani disi no tru. 24  A no de so taki wi na basi+ fu un bribi, ma wi e wroko makandra+ nanga unu, so taki unu kan de nanga prisiri. Bika na a bribi+ fu unu e meki taki unu e tanapu kánkan.+

Futuwortu