Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  oktober 2015

Piki tapu aksi fu Bijbel

Piki tapu aksi fu Bijbel

Wan dei o kon taki nowan sma na grontapu pôti moro?

Fa gado o sorgu taki nowan sma na grontapu pôti moro?Mateyus 6:9, 10.

Milyunmilyun sma di pôti srefisrefi e dede ibri yari fu di den no e nyan bun èn fu di den e siki. Na son presi fu grontapu a libi e go bun, ma te nanga now bun furu sma pôti srefisrefi. Bijbel e sori taki a no tide pôtisma de na grontapu. A sani disi na wan problema langa ten kaba.Leisi Yohanes 12:8.

Efu wan kaba musu kon na a problema disi, dan wán tiri musu de na heri grontapu. A musu de wan tiri di abi a makti fu prati den gudu fu grontapu na so wan fasi taki ala sma na heri grontapu e kisi wini. So wan tiri o abi fu tyari wan kaba kon na feti tu, bika na furu presi feti e meki taki sma kon pôti. Gado pramisi taki a Kownukondre fu en o tiri heri grontapu.Leisi Danièl 2:44.

Suma kan meki taki sma no pôti moro?

Gado poti en Manpikin Yesus fu tiri ala libisma (Psalm 2:4-8). Yesus o frulusu den pôtisma èn a o sorgu taki sma no e pina trawan moro. Boiti dati, a o tyari wan kaba kon na ogridu.Leisi Psalm 72:8, 12-14.

Bijbel e kari Yesus, a „Granman fu Freide”. Sobun, na en o tyari freide kon na heri grontapu èn na en o sorgu taki ala sani waka bun. Dan ala libisma na grontapu o abi den eigi oso, wan switi wroko èn nofo nyanyan.Leisi Yesaya 9:6, 7; 65:21-23.

 

Kon sabi moro

A WAKTITOREN

San Yesus o du na ini a ten di e kon?

Yesus o gebroiki a makti fu en fu tyari freide kon na grontapu.

A WAKTITOREN

Wan ten o kon taki wán tirimakti nomo e tiri heri grontapu?

Prakseri fa freide ben o de èn fa sani ben o waka bun efu wán tirimakti ben o tiri heri grontapu. Gado pramisi wi so wan tirimakti. Suma fiti fu de so wan tiriman?