Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  september 2015

 TORI FU A KAFTI | SUMA NA YEHOVAH KOTOIGI?

San Yehovah Kotoigi e bribi?

San Yehovah Kotoigi e bribi?

Yehovah Kotoigi e bribi taki „na Gado srefi ben meki sma skrifi ala den sani di de na ini Gado Buku” èn den e bribi tu taki den sani disi e tyari wini kon gi sma (2 Timoteyus 3:16). Wi e gebroiki Bijbel fu kon leri sabi a Mekiman èn fu abi wan moro bun libi.

Bijbel e taki: „Na so sma o sabi taki yu di nen Yehovah, yu wawan na a Moro Heiwan fu heri grontapu” (Psalm 83:18). Fu dati ede wi e anbegi Yehovah Gado wawan. Fu di wi na Kotoigi fu en, meki wi e du muiti fu meki sma kon sabi a nen fu en.Yesaya 43:10-12.

Fu di wi na Kresten, meki wi e bribi taki Yesus, „a Manpikin fu Gado”, * kon na grontapu, dan a tron a Mesias (Yohanes 1:34, 41; 4:25, 26). Baka di Yesus dede, a kisi wan opobaka, dan a go na hemel (1 Korentesma 15:3, 4). Bakaten a tron Kownu fu Gado Kownukondre (Openbaring 11:15). A Kownukondre dati na wan trutru tirimakti di o meki grontapu tron wan paradijs (Danièl 2:44). Bijbel e taki: „Den safri-ati sma o kisi grontapu èn den o prisiri srefisrefi, fu di freide o de pasa marki.”Psalm 37:11, 29.

„Te den e leisi Bijbel, den e bribi taki na Gado e taki nanga den. Te den e kisi problema na ini den libi, den e teki Gado Wortu èn den e suku rai na ini di kan yepi den fu lusu den problema. . . . Gi den, Gado Wortu de na libi ete.”—Disi na san a Lomsu kerki fesiman Benjamin Cherayath taki na ini a Doisri koranti Münsterländische Volkszeitung

Yehovah Kotoigi e bribi taki den sani di skrifi na ini Bijbel kan tyari wini kon gi sma na ini a ten disi srefi (Yesaya 48:17, 18). Fu dati ede wi e du ala muiti fu gi yesi na san Bijbel e taki. Fu eksempre, fu di Bijbel e warskow wi fu no du sani di kan pori wi frustan nanga wi skin, meki wi no e smoko èn wi no e gebroiki drugs (2 Korentesma 7:1). Sosrefi, wi no e du nowan fu den sani di Bijbel e krutu, sani soleki dringi sopi te fu drungu, hurudu nanga fufuru.1 Korentesma 6:9-11.

^ paragraaf 5 Bijbel e taki tu dati Yesus na „a wan-enkri Manpikin di Gado srefi meki”. En na a fosi sani di Yehovah meki.Yohanes 3:18; Kolosesma 1:13-15.