Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  augustus 2015

Piki tapu aksi fu Bijbel

Piki tapu aksi fu Bijbel

A libi disi na ala san de?

Son leisi yu e firi leki a libi syatu tumusi?

Oiti yu aksi yusrefi efu moro de na ini a libi leki fu prei, wroko, trow, meki pikin, èn kon owru? (Yob 14:1, 2) Bijbel e sori taki srefi koni sma ben aksi densrefi a sani disi.Leisi Preikiman 2:11.

Fu san ede wi e libi? A fosi sani di wi musu sabi, na fa a libi bigin? Furu sma di kon sabi fa a frustan nanga a skin fu libisma e wroko, kon si taki na wan koni Mekiman meki wi. (Leisi Psalm 139:14.) Efu dati de so, dan wi musu kon sabi fu san ede a meki wi. Te wi kon sabi dati, dan wi o abi wan moro koloku libi.

Fu san ede Gado meki libisma?

Gado ben blesi a fosi man nanga uma èn a gi den wan moi wroko fu du. A ben wani taki den meki pikin furu grontapu, taki den meki a tron wan paradijs, èn taki den libi fu têgo.Leisi Genesis 1:28, 31.

Di den fosi libisma trangayesi Gado, dan a sani di Gado ben wani gi libisma no go doro. Ma Gado no libi sani so, a o sorgu taki a sani di a abi na prakseri kon tru. Bijbel e sori krin taki Gado tan wroko fu frulusu den wan di e gi yesi na en èn taki grontapu o tron wan paradijs soleki fa a ben wani. Sobun, Gado wani taki yu si a libi soleki fa en ben wani dati na a bigin. (Leisi Psalm 37:29.) Na ini Bijbel yu kan leri san yu musu du fu kisi a libi di Gado ben wani taki libisma abi.