San libisma kan fruwakti na ini a ten di e kon?

Fa a dede fu Yesus o sorgu taki libisma e libi bun nanga makandra?

Wi sabi seiker taki libisma o tan meki nyun sani. Ma den o man sorgu taki ala sma e libi bun nanga makandra? Nôno. Na ini a ten disi, furu sma e denki densrefi nomo èn den gridi. Ma Gado wani taki libisma abi wan moro bun libi.Leisi 2 Petrus 3:13.

Gado Wortu e taki fu wan ten pe ala sma o lobi makandra. Sma no o frede nowan sani èn nowan sma o du den ogri.Leisi Mika 4:3, 4.

O ten libisma no o denki densrefi nomo?

Di Gado meki libisma, den no ben e denki densrefi nomo. Ma di a fosi man trangayesi Gado, dan a tron wan sondu sma. Na a sondu di a gi wi, meki taki wi e denki wisrefi nomo. Ma toku Gado o gebroiki Yesus fu frulusu libisma fu sondu.Leisi Romesma 7:21, 24, 25.

Soleki fa Gado ben wani, dan Yesus dede èn na so a puru den takru bakapisi fu a sondu fu a fosi man (Romesma 5:19). Sobun Yesus o sorgu taki na ini a ten di e kon, libisma no o du ogri moro fu di den e denki densrefi nomo.Leisi Psalm 37:9-11.