Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  yanuari 2015

Wi musu begi Yesus?

Wi musu begi Yesus?

WAN pisi ten pasa, wan ondrosukuman aksi moro leki 800 yonguwan fu moro leki 12 kerki efu den e bribi taki Yesus e piki begi. Moro leki 60 procent fu den yonguwan disi taki dati den e bribi taki Yesus e piki begi. Ma wan fu den pikin disi krabu a nen fu Yesus puru tapu a papira èn a skrifi „Gado”.

San yu e denki? Wi musu begi Yesus noso Gado? * Fu man kisi piki tapu na aksi dati, dan meki wi luku fosi fa Yesus leri den disipel fu en fu begi.

SUMA WI MUSU BEGI, SOLEKI FA YESUS LERI WI?

Yesus leri wi fa fu begi èn a sori wi tu fa fu du dati.

Yesus ben e begi en hemel Tata, èn na so a sori wi suma wi musu begi

SAN A LERI WI: Di wan disipel fu Yesus ben aksi en: „Masra, leri wi fa fu begi”, dan Yesus piki en: „Te unu e begi, un musu taki: ’Tata’” (Lukas 11:1, 2). Boiti dati, di Yesus ben e hori a prenspari taki fu en tapu Olèif-bergi, dan a gi den arkiman fu en deki-ati fu begi. A ben taki: „Begi yu Tata.” A ben taigi den a sani disi tu: „Un Tata sabi san unu abi fanowdu, srefi bifo unu aksi en” (Mateyus 6:6, 8). A lasti neti fu en leki libisma na grontapu, Yesus taigi den disipel fu en: „Iniwan sani di unu e aksi a Tata, a o gi unu na ini mi nen” (Yohanes 16:23). Sobun, Yesus leri wi fu begi en Tata, Yehovah Gado, di de sosrefi wi Tata.Yohanes 20:17.

FA A BEN E BEGI: Neleki fa Yesus ben leri trawan fu begi, na so en srefi ben e begi tu: „Mi e prèise yu na fesi ala sma, mi Tata, Masra fu hemel nanga grontapu” (Lukas 10:21). Wan tra leisi, „Yesus opo en ede èn a luku go na hemel, dan a taki: ’Mi Tata, mi e taki yu tangi taki yu arki a begi fu mi’” (Yohanes 11:41). Boiti dati, di Yesus ben de fu dede, a begi: „Mi Tata, mi e poti mi libi na ini yu anu” (Lukas 23:46). Fu di Yesus ben e begi en hemel Tata, a „Masra fu hemel nanga grontapu”, meki a sori ala sma krin suma den musu begi (Mateyus 11:25; 26:41, 42; 1 Yohanes 2:6). Na so den fosi disipel fu Yesus ben e begi tu?

SUMA DEN FOSI KRESTEN BEN E BEGI?

Wan tu wiki nomo baka di Yesus drai go na hemel, gensman bigin du ogri nanga den disipel èn den ben e tapu skreki gi den (Tori fu den apostel 4:18). A no de fu taki dati den begi fu feni yepi. Ma suma den begi? „Den alamala opo den sten begi Gado” fu aksi en fu tan yepi den, „na ini a nen fu [en] santa futuboi Yesus” (Tori fu den apostel 4:24, 30). Sobun, den disipel begi soleki fa Yesus ben leri den. Den ben begi Gado, den no ben begi Yesus.

Furu yari baka dati, na apostel Paulus ben sori fa en nanga den Kresten brada fu en ben e begi. A ben skrifi a sani disi gi den Kresten brada nanga sisa fu en: „Ala ten wi e taki Gado, a Tata fu wi Masra Yesus Krestes, tangi te wi e begi gi unu” (Kolosesma 1:3). Paulus ben skrifi den brada nanga sisa fu en tu taki den ben musu „taki Gado wi Tata tangi gi ala sani, na ini a nen fu wi Masra  Yesus Krestes” (Efeisesma 5:20). Den wortu disi e sori taki Paulus ben e gi trawan deki-ati fu begi ’Gado en Tata gi ala sani’, ma den ben musu du dati na ini a nen fu Yesus.Kolosesma 3:17.

Neleki den fosi Kresten, wi kan sori taki wi lobi Yesus te wi e begi soleki fa a leri wi (Yohanes 14:15). Te wi e begi wi hemel Tata, iya, en wawan, dan wi o firi neleki a psalm singiman di ben taki na ini Psalm 116:1, 2: „Mi lobi Yehovah, bika a e arki mi sten . . . Mi heri libi langa, mi o bari kari en.” *

^ paragraaf 3 Soleki fa Bijbel e sori, dan Gado nanga Yesus a no a srefi. Efu yu wani sabi moro, dan luku kapitel 4 fu a buku San Bijbel e leri wi trutru? di Yehovah Kotoigi tyari kon na doro.

^ paragraaf 11 Efu wi wani taki Gado arki den begi fu wi, dan wi musu meki muiti fu libi soleki fa a wani. Efu yu wani kon sabi moro, dan luku kapitel 17 fu a buku San Bijbel e leri wi trutru?

Kon sabi moro

San Bijbel e leri wi trutru?

Kon krosibei na Gado nanga yepi fu begi