Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  yanuari 2015

Piki tapu aksi fu Bijbel

Piki tapu aksi fu Bijbel

Fu san ede furu sma e bribi taki wan Gado de di meki ala sani?

Yu no feni taki a libi na wan wondru?

Sowan 3000 yari pasa, wan puwema skrifiman ben skrifi: „Yu meki mi na wan tumusi wondru fasi di e meki mi kisi bigi lespeki gi yu” (Psalm 139:14). Te yu e prakseri fa wan-enkri cel e gro kon tron wan beibi, dan yu no feni taki dati na wan kefalek moi sani? Furu sma e bribi taki wan Gado de di meki ala sani.Leisi Psalm 139:13-17; Hebrewsma 3:4.

Na a Gado di meki den hemel èn di seti grontapu gi wi fu libi na tapu, na en e gi libi (Psalm 36:9). A taki nanga libisma èn a fruteri wi suma na en.Leisi Yesaya 45:18.

Wi komoto fu meti?

Furu sani fu libisma skin na a srefi leki di fu meti. Ma disi e kon fu di Gado ben meki libisma nanga meti fu libi na grontapu. A meki a fosi libisma fu a doti fu a gron, a no ben meki en fu wan meti.Leisi Genesis 1:24; 2:7.

Tu prenspari fasi de fa libisma e difrenti fu meti. A fosiwan, na taki libisma man sabi a Gado di meki ala sani, den man lobi en, èn den man lespeki en. A di fu tu sani, na taki meti no meki fu libi fu têgo, ma libisma meki fu libi fu têgo. Ma now, ala sma e dede fu di a fosi man ben trangayesi a Gado di meki ala sani.Leisi Genesis 1:27; 2:15-17.