Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  september 2014

Piki tapu aksi fu Bijbel

Piki tapu aksi fu Bijbel

Engel man yepi wi?

Neleki fa engel ben yepi Danièl, a reti-ati futuboi fu Gado, na so den e yepi sma fu kisi wini fu a bun nyunsu

Langa ten bifo Yehovah Gado ben meki libisma, a ben meki milyunmilyun engel (Yob 38:4, 7). Den makti engel disi e wroko gi Gado, èn son leisi a e seni den fu yepi èn fu kibri den futuboi fu en na grontapu (Psalm 91:10, 11). Na ini a ten disi, engel e yepi sma fu kisi wini fu a bun nyunsu di den bakaman fu Yesus e preiki.Leisi Openbaring 14:6, 7.

Wi musu begi den engel fu yepi wi? Nôno. Begi na wan fasi fu anbegi, èn na Gado wawan wi musu anbegi (Openbaring 19:10). Fu di engel na futuboi fu Gado, meki den no e du san libisma taki, ma den e du san Gado taki. Dati meki ala ten wi musu begi Gado wawan na ini a nen fu Yesus.Leisi Psalm 103:20, 21; Mateyus 26:53.

Ogri engel de?

Neleki libisma, Gado gi engel a grani fu teki den eigi bosroiti, èn den kan bosroiti fu du bun noso ogri. A sari fu si taki furu engel opo densrefi teige Gado (2 Petrus 2:4). A fosi engel di du dati, na Satan, ne trawan waka na en baka èn den tron ogri yeye. Wan pisi ten pasa, den fringi Satan nanga den ogri yeye komoto fu hemel kon na grontapu.Leisi Openbaring 12:7-9.

Sensi 1914, moro nanga moro ogri e pasa na grontapu. A sani disi e sori taki heri esi Gado o puru Satan nanga den ogri yeye na pasi. Baka dati, Gado o seti grontapu kon bun baka, soleki fa a musu de.Leisi Openbaring 12:12; 21:3, 4.

 

Kon sabi moro

San Bijbel e leri wi trutru?

Yeye libisani—A krakti di den abi na wi tapu