Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  yuli 2014

Piki tapu aksi fu Bijbel

Piki tapu aksi fu Bijbel

Fu san ede wi musu begi?

Yehovah Gado wani taki wi e firi fu taki nanga en fu den sani di e gi wi broko-ede (Lukas 18:1-7). A e arki wi fu di a e broko en ede nanga wi. Fu di wi hemel Tata e gi wi a kari fu begi en, meki a bun fu teki a kari dati.Leisi Filipisma 4:6.

Begi a no soso fu aksi Gado fu yepi wi. Ma begi e yepi wi fu kon moro krosibei na Gado (Psalm 8:3, 4). Te wi gwenti fruteri Gado fa wi e firi, dan wi e tron moro bun mati fu en.Leisi Yakobus 4:8.

Fa wi musu begi?

Te wi e begi, dan Gado no wani taki wi e gebroiki wan lo kefalek wortu èn a no wani taki wi e taki den srefi sani ibri leisi baka. A no de fanowdu tu taki wi e tanapu noso e sidon na wan spesrutu fasi. Yehovah e gi wi a kari fu begi komoto fu wi ati (Mateyus 6:7). Fu eksempre, na ini owruten Israel, Hana ben e begi Gado fu di wan problema na ini en osofamiri ben e gi en broko-ede. Bakaten, a no ben e sari moro ma a ben de nanga prisiri, èn a begi Gado komoto fu en ati fu taigi en tangi.Leisi 1 Samuel 1:10, 12, 13, 26, 27; 2:1.

Dati na wan moi grani di wi abi! Wi kan taki nanga a Mekiman fu den problema fu wi. Wi kan prèise en tu èn wi kan taigi en tangi gi den sani di a e du. Sobun, a de wan koni sani taki wi e gebroiki a moi grani disi.Leisi Psalm 145:14-16.