Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  yuni 2014

Piki tapu aksi fu Bijbel

Piki tapu aksi fu Bijbel

Fu san ede a planeiti fu wi meki?

Grontapu ben musu de wan tanpresi pe libisma kan de koloku

A planeiti fu wi meki na so wan fasi taki sani man libi na tapu. Watra lai na en tapu èn dati prenspari fu man hori sani na libi. A fasi fa grontapu e anga pikinso go na wan sei, a fasi fa a e drai, èn a fasi fa a e drai lontu a son, e pasa so soifri taki a watra na ini den se no e tron ijs èn a no e faya so te taki a e drei gowe. Grontapu e kisi kibri fu a loktu na en lontu èn fu a krakti di de te na ini na ati fu en. Dati meki furu sma e denki taki wan reide de fu san ede grontapu meki.Leisi Yesaya 45:18.

A moi fu si fa den prani nanga den meti na grontapu abi makandra fanowdu fu man tan na libi. Dati meki na tapu a planeiti fu wi wawan sma man libi. Ma yu ben kan aksi yusrefi: Efu wan reide de fu san ede grontapu meki, dan dati wani taki dati pina nanga takrudu musu de tu?Leisi Deuteronomium 32:4, 5.

Grontapu o kon de soleki fa a ben musu de?

Grontapu ben meki fu de wan koloku tanpresi gi sma di e lespeki makandra èn di lobi a Mekiman fu den. Dati meki libisma hei moro den prani nanga den meti. Tra fasi leki meti, wi man kon sabi wi Mekiman èn wi kan du muiti fu sori lobi nanga retidu neleki en.Leisi Preikiman 12:13; Mika 6:8.

Wi Mekiman kan du ala san a abi na prakseri fu du. Fu dati ede wi kan de seiker taki a o meki a planeiti fu wi tron wan presi pe libisma man de koloku fu ala ten.Leisi Psalm 37:11, 29; Yesaya 55:11.