Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  april 2014

 TORI FU A KAFTI | YU MUSU BEGI?

Fu san ede sma e begi?

Fu san ede sma e begi?

Yu gwenti begi? Furu sma gwenti begi, srefi sma di no e bribi na ini Gado. Ma fu san ede sma e begi? Wan ondrosuku di sma du na ini Fransikondre, sori taki afu fu den sma fu a kondre dati e begi noso e denki dipi fu sani son leisi, „soso fu firi moro bun”. Neleki furu sma fu Europa, den sma dati no e begi fu di den e bribi na ini Gado. Den e du dati fu di „begi e meki den firi bun”. Ma tra sma de di e begi Gado soso te den de na nowtu, èn den e fruwakti taki Gado e piki den begi fu den wantewante.Yesaya 26:16.

Ma fa a de nanga yu? Yu denki taki begi na fu yepi yu nomo fu firi bun? Efu a de so taki yu e bribi na ini Gado, dan yu man si fa begi e yepi yu? Noso yu feni taki Gado no e piki den begi fu yu? Bijbel kan yepi yu fu no si begi nomo leki wan sani di e yepi yu fu firi bun, ma leki wan prenspari sani di kan yepi yu fu tron wan moro bun mati fu Gado.