Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  maart 2014

Piki tapu aksi fu Bijbel

Piki tapu aksi fu Bijbel

Fa wi e kisi wini fu a dede fu Yesus?

Di Gado meki libisma, dan a ben wani taki den libi fu têgo na grontapu sondro taki siki noso dede miti den. Ma a fosi libisma, Adam, trangayesi a Mekiman èn a lasi a howpu fu libi fu têgo. Leki bakapikin fu Adam, wi kisi dede fu en (Romesma 5:8, 12; 6:23). A tru Gado, Yehovah, seni en Manpikin, Yesus, kon na grontapu fu dede èn fu bai baka san Adam ben lasi.Leisi Yohanes 3:16.

Yesus dede so taki libisma man kisi têgo libi. Fa yu ben o feni en fu libi fu têgo na grontapu?

Nanga yepi fu a dede fu Yesus wi kan kisi pardon fu den sondu fu wi èn wi o man libi fu têgo. Bijbel e sori wi fa a libi na grontapu sa de te wi no sa kisi fu du moro nanga owrudei, siki, nanga dede.Leisi Yesaya 25:8; 33:24; Openbaring 21:4, 5.

Fa wi musu memre a dede fu Yesus?

A neti fosi Yesus dede, a taigi den bakaman fu en fu memre a dede fu en. Den ben musu hori wan seremonia sondro furu pranpran. Ibri yari te wi e memre a dede fu Yesus na a fasi dati, dan wi e kisi na okasi fu prakseri a bigi lobi di Yesus nanga Yehovah abi gi libisma.Leisi Lukas 22:19, 20; 1 Yohanes 4:9, 10.