Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  yuli 2013

Piki tapu aksi fu Bijbel

Piki tapu aksi fu Bijbel

Wi man libi fu têgo?

San Gado du fu frulusu wi fu dede?

A fosi libisma Adam ben libi hondrohondro yari, ma te fu kaba a ben kon owru èn a dede. Sensi a ten dati libisma du ala sortu sani fu no kon owru. Ma te nanga now, nowan sma ben man wai pasi gi dede. Fu san ede? Adam sondu fu di a trangayesi Gado èn dati meki a kon owru èn a dede. Fu di wi na bakapikin fu Adam, meki wi kisi sondu tu. Dati meki wi e kon owru èn wi e dede.Leisi Genesis 5:5; Romesma 5:12.

Libisma abi wan lusu-paiman fanowdu fu man kisi têgo libi (Yob 33:24, 25). Wan lusu-paiman na wan sani di wan sma e pai fu fri wan trawan. Wi abi wan lusu-paiman fanowdu fu kon fri fu dede (Eksodes 21:29, 30). Yesus pai a paiman disi di a dede gi wi.Leisi Yohanes 3:16.

Fa wi kan kisi têgo libi?

A no ala libisma o libi fu têgo. Fu taki en krin, den sma di de leki Adam èn di no e gi yesi na Gado, o lasi a grani fu libi fu têgo. Na soso den sma di kisi pardon fu den sondu fu den o kisi têgo libi.Leisi Yesaya 33:24; 35:3-6.

Wi musu du wan sani fu man kisi pardon fu den sondu fu wi. Wi musu kon leri sabi Gado. Wi kan leri sabi en te wi e studeri Bijbel, a Wortu fu en. Bijbel kan yepi wi fu abi wan moro switi libi, a kan yepi wi fu libi na wan fasi di Gado feni bun èn a kan yepi wi fu kisi têgo libi.Leisi Yohanes 17:3; Tori 3:19.