Go na content

Go na a tra menu

Go na table of contents

Yehovah Kotoigi

Sranantongo

Studie-Waktitoren  |  yanuari 2017

Yu ben sabi a sani disi?

Yu ben sabi a sani disi?

Fa sma na ini Bijbel ten ben e tyari faya fu a wan presi go na a trawan?

A BIJBEL tori di skrifi na Genesis 22:6 e taki dati Abraham ben „teki na udu gi a bron-ofrandi, dan a poti en na tapu a skowru fu en manpikin Isak. Ne ensrefi teki a faya, a teki wan bigi nefi tu fu srakti meti, dan den ala tu waka go moro fara.” Abraham ben o tyari na ofrandi disi na wan farawe presi.

Bijbel no e taki fa sma ben e meki faya na ini owruten. Wán sabiman di ben e taki fu a tori fu Abraham, feni taki a no kan taki wan faya tan bron aladi Abraham nanga Isak ben teki so wan langa waka. Dati meki a e denki taki a tekst na ini Genesis e taki fu den sani di Abraham gebroiki fu meki a faya.

Ma tra sma feni taki a ben muilek fu meki wan faya na ini owruten. Dati meki sma ben feni en moro makriki fu go na wan birtisma fu go aksi en wan pisi krofaya di ben e bron ete, na presi fu meki wan nyun faya. Fu dati ede wan tu sabiman e bribi taki Abraham ben e tyari wan sani, kande wan patu di ben e anga na wan keti. Na ini a patu dati a ben abi krofaya di ben e bron ete (Yes. 30:14). Te sma ben abi wan patu nanga pisi krofaya di ben e bron ete, dan den ben kan gebroiki den makriki fu seti wan nyun faya nanga tra udu te den ben e teki waka go na wan presi.