Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  Nr. 4 2016

San Bijbel e leri?

San Bijbel e leri?

Na libisma kon nanga a denki fu anbegi wan gado?

SON SMA E BRIBI taki na libisma kon nanga a denki fu anbegi wan gado. Tra sma e denki taki Gado wani taki libisma anbegi en fu kan tron en mati. San yu e denki?

SAN BIJBEL E TAKI

Wan ’fasi fu anbegi de di wi Gado nanga Tata e si leki wan sani di krin èn di de sondro flaka’ (Yakobus 1:27). A tru anbegi e kon fu Gado.

SORTU TRA SANI WI KAN LERI FU BIJBEL?

  • Na anbegi di Gado feni bun, na a wan di e du san Bijbel e taki.Yohanes 4:23, 24.

  • Te sma e anbegi Gado soleki fa den srefi wani, dan dati na fu soso.Markus 7:7, 8.

A prenspari fu de wan memre fu wan kerki?

SAN YU BEN O TAKI?

  • Iya

  • Nôno

  • Kande

SAN BIJBEL E TAKI:

„Meki wi poti prakseri na makandra tu, so taki wi kan gi makandra deki-ati fu abi lobi èn fu du bun wroko. Meki wi no misi konmakandra” (Hebrewsma 10:24, 25). Gado wani taki den anbegiman fu en e kon makandra leki wán grupu.

SORTU TRA SANI WI KAN LERI FU BIJBEL?

  • Den sma di e anbegi Gado makandra musu bribi den srefi sani.1 Korentesma 1:10, 11.

  • Den sma di de na ini na anbegi di Gado feni bun de leki brada nanga sisa na heri grontapu èn den abi wánfasi.1 Petrus 2:17.