Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  Nr. 4 2017

Den sma fu pikinmoro ala den bigi kerki e bribi taki libisma abi wan sili noso wan yeye di no man dede

 TORI FU A KAFTI | SAN BIJBEL E TAKI FU LIBI NANGA DEDE?

Wan sma e libi go doro baka te a dede?

Wan sma e libi go doro baka te a dede?

SMA abi furu difrenti denki fu libi nanga dede. Son sma e bribi taki baka te den dede den o libi go doro leki wan tra sani noso den o libi na wan tra presi. Tra sma e bribi taki den o gebore baka leki wan tra sma noso wan tra sani. Trawan feni taki dede na a kaba fu ala sani.

Kande yu papa nanga mama noso a kulturu fu yu leri yu wan tra sani fu a tori disi. Fu di sma e taki difrenti sani fu a tori disi, meki a bun fu aksi wisrefi: Pe wi kan feni wan bun piki tapu a muilek aksi disi? Wan sma de di kan fruteri wi san e pasa te wi dede?

Hondrohondro yari langa kerki fesiman leri sma taki libisma abi wan sili noso wan yeye di no man dede. Den sma fu pikinmoro ala den bigi kerki soleki Kresten, Hindu, Dyu, Moslim nanga tra kerki, e bribi taki libisma abi wan sili noso wan yeye di e libi go doro na wan yeye kondre, baka te a skin dede. Budasma e bribi taki te wan sma dede, a e gebore baka. Te dati pasa omeni leisi, dan te fu kaba a e kon fri fu ala pina. Den e kari a sani disi Nirvana.

Den leri disi meki taki bun furu sma na heri grontapu e bribi taki dede e opo a pasi gi den fu libi na wan tra presi. Dati meki furu sma e si dede leki wan prenspari pisi fu a libi èn den e taki dati na Gado wani taki sma e dede. Ma san Bijbel e taki fu a tori? Grantangi leisi a tra artikel. Kande yu o leri wan sani di yu no ben sabi noiti ete.