Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  Nr. 4 2017

A Tetragrammaton noso Yehovah, a santa nen fu Gado na ini Hebrew letter. Sma e leisi en fu a reti-anusei go na a kruktu-anusei

A moro pikin Hebrew letter e tranga wi bribi

A moro pikin Hebrew letter e tranga wi bribi

Wi kan de seiker trutru taki ala den pramisi fu Gado o kon tru? Yesus ben de seiker fu disi èn den sani di a ben e leri sma tranga a bribi fu den. Luku na agersitori di a fruteri di a hori wan prenspari lezing na tapu wan bergi. Wi kan leisi disi na Mateyus 5:18: „Fu tru mi e taigi unu taki srefi efu hemel nanga grontapu ben o lasi gowe, toku srefi a moro pikin pisi fu a Wèt no o lasi gowe, fosi ala sani kon tru.”

A moro pikin Hebrew letter na י (yod), èn dati na a fosi letter fu a Tetragrammaton, a santa nen fu Gado, Yehovah. * Den leriman fu Wet nanga den Fariseiman ben e si ibri wortu nanga letter fu Gado Wet leki wan prenspari sani, ma sosrefi ibri pisi fu wan letter.

Yesus taki dati awinsi hemel nanga grontapu ben o pasa gowe, a moro pikin pisi fu a Wet ben o kon tru. Ma Bijbel e sori taki hemel nanga grontapu o tan fu têgo (Psalm 78:69). Sobun, na agersitori di Yesus fruteri e sori taki a moro pikin sani di skrifi na ini a Wet o kon tru.

A de so taki den pikin sani di skrifi na ini Gado Wortu prenspari gi Yehovah? Iya. Luku na eksempre disi: Den Israelsma fu owruten ben kisi a rai taki den no ben musu broko nowan bonyo fu a skapu di den ben e srakti na a Paskafesa (Eksodes 12:46). Kande a gersi leki a no wan prenspari sani Gado taigi den fu du. Yu denki taki den ben frustan fu san ede den no ben musu broko nowan bonyo? A kan taki den no ben frustan. Ma Yehovah Gado ben sabi taki a pikin sani disi di a aksi den ben abi fu du nanga wan profeititori fu a Mesias. Te sma ben o kiri a Mesias na a pinapostu, dan den no ben o broko nowan bonyo fu en.​—Psalm 34:20; Yohanes 19:31-33, 36.

San Yesus ben wani leri wi? Wi kan de seiker tu taki ala den pramisi fu Yehovah Gado o kon tru, srefi a moro pikinwan. A no de fu taki dati a moro pikin Hebrew letter e tranga wi bribi!

^ paragraaf 3 A moro pikin Griki letter na iota èn soleki fa a sori a de a srefi leki a Hebrew letter י (yod). A Wet fu Moses skrifi na ini Hebrewtongo èn den ben skrifi en abra na ini a tongo dati tu. Sobun, a kan taki Yesus no ben e taki fu a Griki letter, ma fu a Hebrew letter.