Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  Nr. 1 2017

 FU A KAFTI | FA YU KAN KISI MORO PRISIRI TE YU E LEISI BIJBEL?

Fa Bijbel kan yepi yu fu abi wan moro bun libi?

Fa Bijbel kan yepi yu fu abi wan moro bun libi?

Bijbel no de leki tra buku. Den rai na ini e kon fu Gado, a sma di meki wi (2 Timoteyus 3:16). A boskopu fu Bijbel kan kenki wi heri libi. Bijbel srefi e taki: „A wortu fu Gado de na libi. A abi krakti” (Hebrewsma 4:12). Bijbel kan yepi wi na den tu fasi disi: A e gi wi rai di kan yepi wi fu abi wan moro bun libi èn a e yepi wi fu kon sabi Gado nanga den sani di a pramisi.1 Timoteyus 4:8; Yakobus 4:8.

Yu kan abi wan moro bun libi now. Bijbel abi bun rai di kan yepi yu nanga difrenti sani na ini a libi.

Wan yongu trowpaar na ini Asia ben abi furu warderi gi den rai di Bijbel e gi. Neleki furu sma di trow paspas, den ben musu leri fu kon gwenti makandra èn fu taki krin nanga makandra. Disi no ben makriki gi den. Ma den bigin du san den leisi na ini Bijbel. San pasa di den du dati? Vicent, a masra, e taki: „Den sani di mi leisi na ini Bijbel yepi mi fu sori lobi te wi ben e kisi problema na ini a trowlibi. Fu di wi e du san Bijbel e taki meki wi abi wan koloku trowlibi.” En wefi di nen Annalou e agri nanga en. A taki: „Den eksempre di wi leisi na ini Bijbel yepi wi. Now mi e firi taki wi abi wan koloku trowlibi èn mi breiti nanga a fasi fa wi e libi now.”

Bijbel e yepi wi fu kon sabi Gado. Boiti den sani di Vicent taki fu a trowlibi, a taki tu: „Fu di mi e leisi Bijbel, meki mi firi taki mi tron wan moro bun mati fu Yehovah.” Den sani di Vicent taki e leri wi a prenspari tori disi: Bijbel kan yepi yu fu kon sabi Gado. Te yu kon sabi en, dan yu no o kisi wini nomo fu den rai fu en, ma yu o leri sabi en tu leki wan mati. Yu o si tu taki a e fruteri finifini sortu bun ten e wakti wi. Te a ten dati doro yu kan kisi „a trutru libi” èn yu kan de koloku fu têgo (1 Timoteyus 6:19). Nowan tra buku e fruteri wi den moi sani disi.

Efu yu bigin leisi Bijbel èn yu e tan du en, dan yu srefi o kisi den wini disi: Yu o abi wan moro bun libi now èn yu o kon sabi Gado. Ma kande yu o abi furu aksi te yu e leisi Bijbel. Te dati de so, dan a bun fu prakseri na eksempre fu wan heihei man fu Etiopia di ben libi 2000 yari pasa. A ben abi furu aksi fu Bijbel. Di Filipus, wan bun Bijbel leriman di ben de wan disipel fu Yesus, aksi en efu a ben e frustan san a e leisi, a piki: „We, fa mi ben sa sabi dati dan, efu nowan sma e leri mi?” * Baka dati a teki a yepi di Filipus gi en (Tori fu den apostel 8:30, 31, 34). Efu yusrefi wani sabi moro fu Bijbel neleki na Etiopia man, dan aksi wan Bijbelstudie na a website fu wi, www.jw.org/srn noso skrifi go na wan fu den adres di kari na ini a tijdschrift disi. Yu kan taki tu nanga Yehovah Kotoigi na ini yu birti noso yu kan go na wan fu den Kownukondre zaal na ini yu birti. Kande yu kan bigin leisi Bijbel tide kaba, dan yu srefi o si taki a o meki yu abi wan moro bun libi.

Kande yu e aksi yusrefi efu yu kan bribi ala san skrifi na ini Bijbel. Grantangi luku a syatu felem Fa wi kan de seiker taki Bijbel e taki san tru?

^ paragraaf 8 Efu yu wani sabi sortu tra moi rai Bijbel e gi wi, dan go na a website fu wi, jw.org/srn. Go na BUKU NANGA TRA SANI.

Kon sabi moro

GADO ABI BUN NYUNSU GI WI!

Sortu wini den leri fu Bijbel abi gi wi?

Yesus sori fu san ede wi abi tiri fanowdu. A ben taki sosrefi fu tu leri fu Bijbel di prenspari srefisrefi.

A WAKTITOREN

Yu feni taki yu nanga Gado na mati?

Milyunmilyun sma e bribi taki Gado e si den leki en mati.

GADO ABI BUN NYUNSU GI WI!

Gado abi wan nen?

Gado abi furu titel soleki Moro Hei Gado, Mekiman nanga Masra. Ma Gado en eigi nen skrifi sowan 7000 tron na ini Bijbel.