Go na content

Go na a tra menu

Go na table of contents

Yehovah Kotoigi

Sranantongo

A Waktitoren  |  Nr. 1 2017

 TORI FU A KAFTI | FA YU KAN KISI MORO PRISIRI TE YU E LEISI BIJBEL?

Fu san ede a bun fu leisi Bijbel?

Fu san ede a bun fu leisi Bijbel?

„Mi ben denki taki a ben o muilek fu frustan Bijbel.”—Jovy

„Mi ben denki taki a ben o soi fu leisi Bijbel.”—Queennie

„Te mi ben e luku fa a Bijbel deki, mi no ben e kisi a firi fu leisi en.”—Ezekiel

Kande yu ben prakseri fu leisi Bijbel, ma yu no du dati fu di yu ben denki leki den sma di kari dyaso. Furu sma feni taki a muilek fu leisi Bijbel. Ma efu yu sabi taki Bijbel kan yepi yu fu abi wan moro koloku libi, yu ben o wani leisi en? San yu ben o du efu yu sabi taki sani de di yu kan du fu leisi Bijbel nanga prisiri? Yu ben o wani kon sabi fa Bijbel kan yepi yu?

Furu sma di bigin leisi Bijbel, kisi wini fu dati. Luku san sonwan fu den sma disi taki:

Ezekiel, di pasa 20 yari e taki: „Fosi, mi ben de leki wan sma di e rèi wan wagi, ma di no sabi pe a e go. Ma di mi leisi Bijbel, mi kon sabi san mi musu du nanga mi libi. Bijbel abi bun rai di kan yepi mi ibri dei.”

Frieda, di pasa 20 yari tu e taki: „Fosi, mi ben e haritaki nanga sma fu ala pikinpikin sani. Ma fu di mi e leisi Bijbel, meki mi leri fu hori misrefi. Disi meki taki mi man feni en moro bun nanga trawan èn mi abi moro mati now.”

Wan uma di nen Eunice èn di pasa 50 yari, e taki: „Bijbel e yepi mi fu tron wan moro bun sma èn a e yepi mi fu tapu nanga gwenti di no bun.”

Den sma disi nanga milyunmilyun trawan di leisi Bijbel, kon si taki Bijbel kan yepi sma fu abi wan moro koloku libi (Yesaya 48:17, 18). Boiti dati, a kan yepi yu (1) fu teki bun bosroiti, (2) fu meki bun mati, (3) fu sabi san yu kan du te yu abi stress èn (4) fu kon sabi Gado trutru. Disi na a moro prenspari sani. Den rai fu Bijbel e kon fu Gado. Sobun, a kan yepi yu ala ten. Noiti Gado o gi wi rai di no bun.

Ma san prenspari, na fu bigin leisi Bijbel. San kan meki en makelek gi yu fu bigin leisi en èn fu leisi en nanga prisiri?