Go na content

Go na a tra menu

Go na table of contents

Yehovah Kotoigi

Sranantongo

Studie-Waktitoren  |  december 2013

Yu e memre disi ete?

Yu e memre disi ete?

Yu man memre san yu leisi na ini den Waktitoren di kon na doro no so langa pasa? We, luku efu yu kan piki den aksi disi:

O ten Yesus „preiki gi den yeye di de na strafu-oso”? (1 Petr. 3:19)

Soleki fa a sori, dan wan pisi ten baka di Yesus kisi wan opobaka, a taigi den ogri yeye sortu strafu den ben o kisi.15/6, bladzijde 23.

San na dri problema di kan kon te wan sma trow baka?

Den problema di kan kon na te yu e poti tumusi furu prakseri na a fosi trowlibi fu yu, te den mati fu yu no gwenti nanga yu nyun patna èn te a muilek gi yu fu frutrow yu patna dorodoro fu di yu fosi trowpatna gowe libi yu.1/7, bladzijde 9, 10.

O ten Yesus o krutu sma leki skapu nanga bokoboko? (Mat. 25:32)

Disi o pasa te Yesus o krutu ala pipel na a ten fu a bigi banawtu baka te falsi bribi kisi pori.15/7, bladzijde 6.

O ten den sma di e du kruktudu na ini Yesus agersitori fu na aleisi nanga a takru wiwiri, o krei èn kaw tifi? (Mat. 13:36, 41, 42)

Den o du disi na a ten fu a bigi banawtu te den si taki den no man wai pasi gi a pori di den o kisi.15/7, bladzijde 13.

O ten Yesus agersitori fu a koni srafu di de fu frutrow bigin kon tru? (Mat. 24:45-47)

A no bigin kon tru na a Pinksterfesa fu a yari 33, ma baka 1914. Na ini 1919, a srafu kisi a frantwortu fu luku den tra futuboi fu Yesus. Dati na ala den futuboi di e kisi a nyanyan di a srafu e gi den.15/7, bladzijde 21-23.

O ten Yesus o gi a srafu di de fu frutrow a frantwortu fu luku ala den sani di a abi?

Dati o de na a ten fu a bigi banawtu te a srafu di de fu frutrow kisi libi na hemel.15/7, bladzijde 25.

Den nen fu son sma no skrifi na ini Bijbel. Ma disi wani taki dati den na ogri sma, noso taki den na sma di no de so prenspari?

Wi no musu denki dati. A no fu ala sma Bijbel e kari den nen, awinsi den bun noso ogri (Rut 4:1-3; Mat. 26:18). Fu den engel di tan dini Gado, Bijbel e kari a nen fu tu fu den nomo.1/8, bladzijde 10.

Di 230 Kotoigi komoto na ini a strafuman-kampu fu Sachsenhausen, den waka wan langa pasi. San yepi den fu tan na libi, boiti a krakti fu Gado?

Aladi den strafuman ben kon swaki fu di den ben e siki èn angri ben e kiri den, toku den tan gi makandra deki-ati fu go doro.15/8, bladzijde 18.

Fu san ede a tori fu den Israelsma di abra Yordan-liba fu go na ini a Pramisi Kondre e gi wi deki-ati?

Aladi a watra fu a liba ben hei srefisrefi, toku Yehovah meki taki a watra tapu fu lon, so taki a pipel man abra. A musu fu de so taki a bribi fu den Israelsma ben kon moro tranga èn taki den ben poti frutrow na ini en. A tori disi musu gi wi deki-ati.15/9, bladzijde 16.

Furu leisi Bijbel e taki fu kloru. San dati e sori wi?

A fasi fa Bijbel e gebroiki kloru e sori taki Gado e frustan sortu krakti kloru abi na tapu libisma èn taki kloru e yepi wi fu memre sani.1/10, bladzijde 14, 15.

Fa a profeititori fu Mika 5:5 di e taki fu den skapuman nanga den granman e kon tru na ini a ten disi?

Wi kon si taki den ’seibi skapuman nanga den aiti granman’ di kari na ini Mika 5:5 na den brada di abi frantwortu leki owruman na ini den gemeente èn di e gi Gado pipel deki-ati, so taki den de srekasreka te den disiten „Asiriasma” o kon feti nanga den.15/11, bladzijde 20.

San na wan tu sani di e sori taki wi abi Gado fanowdu?

Wi abi bun rai fanowdu èn wi wani sabi fa fu lusu den problema fu a libi èn Gado kan yepi wi nanga dati. Gado wani taki sani waka bun nanga wi èn taki wi de koloku èn a o meki den pramisi na ini en Wortu kon tru, so taki a man du ala den sani disi.1/12, bladzijde 4-6.