Go na content

Go na a tra menu

Go na table of contents

Yehovah Kotoigi

Sranantongo

Studie-Waktitoren  |  yuni 2013

Yu e memre disi ete?

Yu e memre disi ete?

Yu man memre san yu leisi na ini den Waktitoren di kon na doro no so langa pasa? Luku efu yu kan piki den aksi disi:

Fa sma e gebroiki Bijbel na wan fasi di no bun èn fa Kresten musu si disi?

Furu sma e bribi taki te den opo Bijbel na iniwan presi, dan a fosi tekst di den si o sori den san den musu du. Den e si Bijbel leki wan tapu fu man kibri densrefi gi ogri, fu lusu den problema fu den, noso fu yepi den fu sabi san o pasa na ini a ten di e kon. Ma tru Kresten no e du den sani dati. Na presi fu dati, den e studeri Bijbel fu kisi soifri sabi èn fu meki Gado tiri den.15/12, bladzijde 3.

San na a „grontapu” di o pasa gowe?

A „grontapu” di o pasa gowe, a no a planeiti grontapu, ma na ala den sma na grontapu di no e du a wani fu Gado (1 Yoh. 2:17). A planeiti srefi nanga den sma di e gi yesi na Gado no o kisi pori.1/1, bladzijde 5-7.

Aladi Abel dede kaba, toku a e taki nanga wi te now ete. Fa so? (Hebr. 11:4)

A e taki nanga wi nanga yepi fu a bribi fu en. Wi kan leri wan sani fu a bribi fu en èn wi kan pruberi fu sori a srefi bribi dati. A de wan moi eksempre gi wi na ini a ten disi.1/1, bladzijde 12.

San na wan tu sani di kan pori a matifasi di wi abi nanga Gado?

Wan tu fu den sani disi na wroko, prisiriten, te wi e moksi nanga wan famiriman di puru fu a gemeente, te wi e poti tumusi furu prakseri na computer nanga tra sani soleki cèl, telefisi nanga DVD, te wi e broko wi ede tumusi nanga wi gosontu, te wi e denki taki moni na a moro prenspari sani èn te wi e poti tumusi furu prakseri na a fasi fa wi e denki fu sani noso na a posisi di wi abi.15/1, bladzijde 12-21.

San wi kan leri fu a sakafasi fu Moses?

Aladi Moses ben abi wan hei posisi, toku a no ben abi heimemre. A no frutrow na tapu ensrefi, ma a frutrow na tapu Gado. Noiti wi musu gi pasi taki makti, posisi, noso den koni di wi abi e frei go na wi ede. Na presi fu dati wi musu frutrow na tapu Yehovah (Odo 3:5, 6).1/2, bladzijde 5.

Pe den sma di kisi wan opobaka o libi?

Wán hondro fotenti na fo dusun sma nomo o libi na hemel. Ma furu sma o kisi libi baka na grontapu pe den o libi fu têgo.1/3, bladzijde 6.

Yeremia 9:26 e taki dati nowan fu den Israelsma ben „krin den ati”. San disi wani taki?

Den ben tranga-ede èn den no ben wani kenki. Den ben musu puru iniwan prakseri, firi, noso denki di ben kan meki taki den trangayesi den wèt fu Gado (Yer. 5:23, 24).15/3, bladzijde 9, 10.

Fa Yesus sori taki a ben abi wan trutru koloku libi?

Yesus ben e du a wani fu Gado, a ben abi tranga lobi gi en Tata èn a ben lobi sma. A ben sabi tu taki en Papa lobi en èn taki a ben feni en bun. Dati na den prenspari sani di kan meki wan sma de koloku trutru.1/4, bladzijde 4, 5.

San na a pisi fu Yehovah organisâsi na grontapu?

A Tiri Skin, den Bijkantoro Komte, den kring-opziener nanga distrikt-opziener, den owruman fu a gemeente, den gemeente nanga den preikiman.15/4, bladzijde 29.

Fu san ede wi kan taki dati a no ogri-ati Gado ben abi te a ben e strafu ogrisma?

Yehovah no e prisiri te ogrisma e dede (Esek. 33:11). Den sani di Gado du na ini a ten di pasa, e sori taki a e warskow sma na wan lobi-ati fasi, fosi a strafu den. Te wi e luku a fasi fa a strafu sma na ini owruten, dan disi e gi wi howpu taki Gado no o kiri wi te a o strafu ogrisma.1/5, bladzijde 5, 6.

Den Israelsma ben abi a gwenti fu anga ogriman na wan postu te den ben kisi dedestrafu?

Nôno. Tra pipel na ini owruten ben abi a gwenti disi, ma den Israelsma no ben e du dati. Na a ten fu den tori di skrifi na ini den Hebrew Buku fu Bijbel, Israelsma ben abi a gwenti fu kiri ogriman fosi den anga den na wan postu. Son leisi den ben trowe ston na den tapu (Lef. 20:2, 27). Baka dati den ben e anga a dedeskin fu a sma na wan postu leki wan warskow gi trawan.15/5, bladzijde 13.

Fu san ede freide no man de na grontapu?

Aladi libisma du wan lo sani, toku den no man bosroiti gi densrefi san bun èn san ogri (Yer. 10:23). Satan na a sma di e tiri grontapu. Sobun, libisma no o man tyari freide kon (1 Yoh. 5:19).1/6, bladzijde 16.