FU SAN EDE A PRENSPARI: Neleki furu tra sani di wi e gebroiki na ini na aladei libi, Internet site pe wi e taki nanga sma kan de wan yepi gi wi. Ma den kan tyari problema kon gi wi tu. Son Kresten bosroiti fu no gebroiki den sortu website disi. Trawan e gebroiki den website disi fu sabi fa a e go nanga famiri nanga mati. Ma Didibri wani taki wi gebroiki den website disi na wan don fasi. A sani dati kan pori wi nen èn a kan pori a matifasi di wi abi nanga Yehovah. Neleki Yesus, wi kan gebroiki den rai na ini Gado Wortu fu kon sabi sortu ogri kan miti wi èn fa wi kan wai pasi gi den.​—Lu 4:4, 8, 12.

LUKU BUN NANGA DEN SANI DISI:

  • No gebroiki tumusi furu ten tapu Internet. Te wi e gebroiki furu ten fu du sani tapu Internet noso fu taki nanga sma, dan wi kan lasi ten di wi ben kan gebroiki gi Yehovah

    Bijbel rai: Ef 5:15, 16; Fp 1:10

  • No luku sani di no fiti. Te wi e luku fowtow di kan wiki den seksfiri fu wi, dan wi kan kon abi a gwenti fu luku porno noso fu du hurudu. Te wi e leisi buku fu sma di fadon komoto na bribi noso te wi e leisi sani tapu den website fu den, dan dati kan pori a bribi fu wi

    Bijbel rai: Mt 5:28; Fp 4:8

  • No poti fowtow tapu Internet di no fiti èn no skrifi sani tu di no fiti. Fu di wi ati kan kori wi, meki wi kan prakseri fu skrifi sani tapu Internet di no fiti, noso fu poti fowtow di no fiti. Ma a sani disi kan meki taki wan sma kisi porinen noso taki a bribi fu trawan kon swaki

    Bijbel rai: Ro 14:13; Ef 4:29

LUKU A FELEM LUKU BUN SAN YU E DU TE YU DE TAPU INTERNET. LUKU SAN KAN YEPI YU FU NO KON NA INI DEN SITUWÂSI DISI: