Go na content

Go na a tra menu

Go na table of contents

Yehovah Kotoigi

Sranantongo

Wi Kresten libi nanga a preikiwroko–Studie-buku  |  yuni 2017

 WI KRESTEN LIBI

Libi wan krin libi soleki fa Yehovah wani

Libi wan krin libi soleki fa Yehovah wani

Yehovah Gado sori fa libisma musu tyari densrefi. Fu eksempre, a taki dati te wan man nanga wan uma trow, den musu tan na makandra fu ala ten (Mt 19:4-6, 9). A e krutu ala den fasi fa sma e du hurudu (1Kor 6:9, 10). A e gi en pipel rai tu di e sori sortu krosi den musu weri noso sortu modo fiti gi den.​—De 22:5; 1Ti 2:9, 10.

Na ini a ten disi furu sma no e libi soleki fa Yehovah wani (Ro 1:18-32). Den e meki a denki fu grontapu bepaal sortu krosi den e weri, fa den e modo èn fa den e tyari densrefi. Furu sma no e syen fu a yayolibi fu den èn den e krutu den sma di e libi tra fasi.​—1Pe 4:3, 4.

Wi leki Yehovah Kotoigi musu abi deki-ati fu libi soleki fa Yehovah wani (Ro 12:9). Fa wi kan du dati? Wi musu sori sma na wan switi fasi san Yehovah feni bun. Ma wisrefi musu libi wan krin libi tu. Fu eksempre, te wi musu bosroiti sortu krosi wi o weri èn fa wi o modo, dan wi musu aksi wisrefi: ’Den bosroiti di mi e teki e sori taki mi abi a denki fu Yehovah noso a denki fu grontapu? Den krosi fu mi noso a fasi fa mi e modo e sori taki mi na wan Kresten di abi lespeki gi Gado?’ Te wi musu bosroiti sortu programa noso felem wi o luku, wi kan aksi wisrefi: ’Yehovah ben o feni a programa disi bun? A e meki mi kisi a denki fu grontapu? Den sani di mi e luku noso e arki e gi mi a firi fu du sani di no fiti? (Ps 101:3) Den kan meki mi famiri noso tra sma naki futu?’​—1Kor 10:31-33.

Fu san ede a prenspari fu libi soleki fa Yehovah wani? Fu di heri esi Yesus Krestes o pori ala den ogrisma (Ese 9:4-7). Soso den sma di e du a wani fu Gado o tan na libi (1Yh 2:15-17). Sobun, meki wi libi soleki fa Yehovah wani. Na so sma o si a bun fasi fa wi e tyari wisrefi, dan den o gi glori na Gado.​—1Pe 2:11, 12.

Te mi e luku den krosi di mi e weri èn a fasi fa mi e modo, dan san dati e sori fu a denki fu mi?

LUKU A FELEM TRON WAN MATI FU YEHOVAH​—WÁN MAN, WÁN UMA. BAKA DATI PIKI DEN AKSI DISI:

  • Fu san ede a de wan koni sani fu libi soleki fa Yehovah wani?

  • Fu san ede papa nanga mama musu leri den pikin den wet fu Yehovah te den yongu ete?

  • Fa yonguwan nanga owruwan kan yepi sma fu kisi wini fu a bunfasi fu Gado?