Go na content

Go na a tra menu

Go na table of contents

Yehovah Kotoigi

Sranantongo

Kresten libi nanga preikiwroko Studie-buku  |  yuni 2017

 WI KRESTEN LIBI

Preiki a bun nyunsu nanga prisiri

Preiki a bun nyunsu nanga prisiri

Oiti yu ben feni en muilek fu preiki? Furu fu wi ben o taki iya. Fu san ede? Fu di nofo tron wi e miti sma di no wani arki a boskopu fu wi noso di e gens wi. Kande wi e frede tu fu taki nanga sma di wi no sabi. A no de fu taki dati den sani disi kan meki taki wi no e preiki nanga prisiri. Ma wi e anbegi wan koloku Gado di wani taki wi e dini en nanga prisiri (Ps 100:2; 1Ti 1:11). San na dri bun reide fu san ede wi musu du a preikiwroko nanga prisiri?

A fosi reide na taki a boskopu fu wi e gi sma howpu. Moro nanga moro sma e lasi howpu na ini a ten disi, ma wi kan fruteri den „bun nyunsu fu wan moro bun sani” (Yes 52:7). A bun nyunsu fu Gado Kownukondre kan gi wi prisiri tu. Fosi yu go na ini a preikiwroko, a bun fu denki dipi fu den blesi di Gado Kownukondre o tyari kon na grontapu.

A di fu tu reide na taki a bun nyunsu di wi e preiki e yepi sma fu tapu nanga gwenti di kan pori den libi, a e yepi den fu tron mati fu Gado èn fu kisi têgo libi (Yes 48:17, 18; Ro 1:16). A preikiwroko di wi e du na wan wroko pe wi e suku sma di wi kan yepi, so taki den no lasi den libi. Aladi son sma no wani kisi yepi, toku wi e tan suku sma di wani taki wi yepi den.​—Mt 10:11-14.

A di fu dri reide na taki a preikiwroko e gi grani na Yehovah. Disi na a moro prenspari sani. Yehovah abi furu warderi gi a muiti di wi e du fu preiki a bun nyunsu (Yes 43:10; Heb 6:10). Boiti dati, a e gi wi en santa yeye so taki wi kan du a wroko disi. Fu dati ede, begi Yehovah fu gi yu en santa yeye so taki yu kan abi prisiri (Ga 5:22). Yehovah kan yepi wi fu no broko wi ede tumusi èn fu preiki nanga deki-ati (Tor 4:31). Dan awinsi sma na ini a kontren no e arki, wi o man preiki nanga prisiri. ​—Ese 3:3.

Nanga sortu denki yu wani du a preikiwroko? Fa yu kan sori taki yu de nanga prisiri?

LUKU A FELEM MI KISI PRISIRI BAKA FU DI MI E STUDERI ÈN E DENKI DIPI FU SANI. BAKA DATI PIKI DEN AKSI DISI:

  • Fu san ede wi musu si en leki wan prenspari sani fu abi a gwenti fu studeri Bijbel, awinsi wi e preiki furu yuru ibri mun?

  • Fa wi kan teki na eksempre fu Maria?

  • O ten yu e denki dipi fu Gado Wortu?

  • San e gi yu prisiri te yu e preiki a bun nyunsu?