Go na content

Go na a tra menu

Go na table of contents

Yehovah Kotoigi

Sranantongo

Kresten libi nanga preikiwroko Studie-buku  |  yuni 2016

 GUDU NA INI GADO WORTU | PSALM 34-37

Frutrow na Yehovah tapu èn du san bun

Frutrow na Yehovah tapu èn du san bun

„No dyarusu na tapu den wan di no e du san reti”

37:1, 2

  • Son leisi a kan gersi leki sani e waka bun gi den ogrisma, ma no meki dati puru yu prakseri na a diniwroko fu Yehovah. Tan prakseri den blesi di yu e kisi fu Yehovah èn fa yu kan du moro gi en

„Frutrow na Yehovah tapu èn du san bun”

37:3

  • Abi a frutrow taki Yehovah o yepi yu te yu e tweifri noso te yu abi broko-ede. A o yepi yu fu tan dini en

  • Tan preiki a bun nyunsu fu Gado Kownukondre fayafaya

„Prisiri pasa marki nanga Yehovah”

37:4

  • Meki ten fu leisi Gado Wortu èn fu denki dipi fu en. Du disi fu kon sabi Yehovah moro bun

„Meki Yehovah tiri yu libi”

37:5, 6

  • Abi ala frutrow taki Yehovah o yepi yu fu pasa iniwan problema

  • Tan tyari yusrefi na wan fasi di fiti awinsi sma e gens yu, awinsi den e frufolgu yu noso awinsi den e du ogri nanga yu

„Tan pî te yu de na fesi Yehovah èn tan wakti en nanga yu heri ati”

37:7-9

  • No hasti yusrefi fu teki bosroiti di kan meki yu lasi prisiri èn di kan meki taki Yehovah no feni yu bun moro

„Den safri-ati sma o kisi grontapu”

37:10, 11

  • Meki muiti fu tron wan safri-ati sma, abi sakafasi èn wakti teleki Yehovah tyari wan kaba kon na ala ogri di sma e du nanga yu

  • Yepi yu brada nanga sisa èn trowstu den wan di lasi-ati. Fruteri den a bun nyunsu taki heri esi Gado o tyari wan nyun grontapu kon

A Mesias Kownukondre o tyari bigi blesi kon