FU SAN EDE A PRENSPARI:

Te wi e prani siri fu a bun nyunsu, dan wi wani gi den watra tu (1Kor 3:6). Te wi miti wan sma di sori taki a wani sabi moro, dan a bun fu poti wan aksi gi en di wi o piki te wi go baka. Disi o meki taki a sma o wakti wi fu di a wani sabi a piki èn a o moro makriki gi wi fu sreka gi a gobaka. Te wi go baka na a sma, dan wi kan taigi en taki wi kon fu piki na aksi di wi ben poti gi en a lasti leisi.

FA FU DU DATI:

  • Te yu e sreka yusrefi gi na oso-fu-oso preikiwroko, dan sreka wan aksi di yu o piki te yu o go baka na a sma. A kan de wan aksi di e kisi piki na ini a tijdschrift noso brochure di yu e prati. Noso a kan de wan aksi na ini wan fu den studie-buku di yu wani libi gi a sma te yu o go baka.

  • Efu wan sma wani sabi moro, dan yu kan taigi en na a kaba fu a fosi takimakandra dati yu wani taki nanga en wan tra leisi. Poti na aksi di yu sreka èn di yu wani piki te yu go baka. Efu a kan, aksi a sma en nen, adres nanga telefon nomru.

  • Efu yu taigi en o lati yu o kon na en, dan hori yusrefi na dati.Mt 5:37.