Go na content

Go na a tra menu

Go na table of contents

Yehovah Kotoigi

Sranantongo

Wi Kresten libi nanga a preikiwroko–Studie-buku  |  oktober 2017

 WI KRESTEN LIBI

Fa yu kan studeri Bijbel moro bun?

Fa yu kan studeri Bijbel moro bun?

Yu wani de leki Danièl di ben tan gi yesi na Gado di a kisi tesi? Danièl ben e studeri Gado Wortu bun. A ben e ondrosuku srefi den dipi profeititori (Da 9:2). Yu o man tan gi yesi na Gado te yu e studeri Bijbel bun. Fa so? A bribi di yu abi taki Yehovah o du san a pramisi, o kon moro tranga (Yos 23:14). Yu o kisi moro lobi tu gi Gado èn dati o meki taki yu du san bun (Ps 97:10). Ma san yu kan du fu studeri Bijbel moro bun? Luku den rai di e kon now.

  • San mi kan studeri? Wan bun sani fu du, na fu abi a gwenti fu sreka yusrefi gi den konmakandra. Yu o kisi moro wini fu a pisi fu Bijbel di wi musu leisi ibri wiki te yu e teki yu ten fu ondrosuku sani di yu no e frustan. Boiti dati, son sma e studeri Bijbel profeititori, trawan e studeri den fasi di Gado yeye e meki wi kisi, den preikiwaka fu na apostel Paulus noso srefi den sani di Yehovah meki. Efu wan aksi fu Bijbel kon ini yu prakseri, dan skrifi en èn ondrosuku en wan tra leisi te yu o studeri.

  • Sortu sani mi kan gebroiki fu studeri moro bun? Luku a felem Sani di yu kan gebroiki fu studeri Bijbel moro bun. Drape yu o si wan tu sani di yu kan gebroiki. Pruberi fu du disi: Ondrosuku den difrenti grontapumakti di den meti na ini Danièl kapitel 7 e prenki.

  • O langa mi musu studeri? A bribi fu yu o kon tranga te yu abi a gwenti fu studeri. Kande yu kan bigin studeri syatu, dan safrisafri yu kan studeri moro langa efu a de fanowdu. Yu kan agersi Bijbelstudie nanga a diki di sma e diki fu feni gudu di kibri. O moro gudu yu e feni, o moro yu o wani tan diki! (Odo 2:3-6) Yu o kon kisi na angri fu studeri Gado Wortu èn yu heri libi langa yu o abi a gwenti fu studeri.​—1Pe 2:2.

SAN DEN METI FU DANIÈL KAPITEL 7 E PRENKI?

ETE WAN AKSI:

Fa Danièl 7:8, 24 kon tru?

TRA LEISI MI O STUDERI:

San den meti na ini Openbaring kapitel 13 e prenki?