4:16-18

Kon meki wi taki dati tu osofamiri e libi na ini wan owru brokobroko gebow. Wan fu den famiri lasi-ati, ma a trawan de koloku. Fu san ede den de koloku? Na fu di den o froisi go na wan moi oso.

Aladi a de so taki „ala den sani di Gado meki, e geme doronomo èn den alamala abi pen te now ete”, toku den futuboi fu Gado abi wan moi howpu di e yepi den fu horidoro (Ro 8:22). Wi sabi taki den problema di e miti wi now, srefi den wan di e trobi wi omeni yari kaba, ’de fu wan syatu pisi ten nomo èn den no hebi’ te yu e teki den gersi nanga a têgo libi di wi o kisi na ini Gado en nyun grontapu. Te wi e tan poti prakseri na den blesi di a Kownukondre o tyari kon gi wi, dan dati o yepi wi fu de koloku èn fu no gi abra.