Go na content

Go na a tra menu

Go na table of contents

Yehovah Kotoigi

Sranantongo

Kresten libi nanga preikiwroko Studie-buku  |  februari 2017

 WI KRESTEN LIBI

Gebroiki den buku fu wi bun

Gebroiki den buku fu wi bun

Yesus ben leri den bakaman fu en: „Unu kisi sondro fu pai, sobun un musu gi sma sondro fu meki den pai” (Mt 10:8). Wi e du san Yesus ben leri èn dati meki wi no e aksi sma moni gi a Bijbel noso gi den buku fu wi (2Kor 2:17). Ma wi sabi taki den buku disi abi prenspari leri di komoto na ini Gado Wortu. Den brada e du furu muiti fu druk den buku èn fu seni den go na den gemeente na heri grontapu. A e kostu furu moni tu fu du dati. Dati meki wi musu teki soso san wi abi fanowdu.

Pruberi fu sabi o ten yu kan gi sma wan buku, awinsi yu e du stratiwroko (Mt 7:6). Na presi fu langa wan buku gi ibri sma di e pasa, pruberi fu taki fosi nanga a sma so taki yu kan sabi efu a wani sabi moro trutru. Yu man piki ’iya’, awinsi na tapu wan fu den aksi na ini a faki? Efu yu no man si efu a sma wani sabi moro trutru, dan a moro bun fu gi en wan traktaat. Ma a no de fu taki dati efu a sma aksi wan tijdschrift noso wan tra buku, dan wi musu de klariklari fu gi en dati.Odo 3:27, 28.