Di Paulus nanga Silas ben de na strafu-oso, den ben e singi fu prèise Yehovah (Tor 16:25). A no de fu taki dati a sani disi yepi den fu horidoro. Fa a de na ini a ten disi? Den singi di wi e singi na den konmakandra fu wi èn den tra moi singi di wi abi, kan gi wi deki-ati èn den kan yepi wi fu tan gi yesi na Gado te tesi e miti wi. Ma san moro prenspari, na taki den singi disi na fu prèise Yehovah (Ps 28:7). Wi kisi deki-ati fu leri den wortu fu wan tu fu den singi disi na ede. Yu pruberi fu du dati? Na a Osofamiri Anbegi, wi kan oefen den singi disi èn leri den wortu fu den.

LUKU A FELEM PIKIN-NENGRE E SINGI GI YEHOVAH FU PRÈISE EN. BAKA DATI PIKI DEN AKSI DISI:

  • Sortu wini a abi te wi e singi Kownukondre singi?

  • Fa den Audio/​Video afdeling e sreka densrefi fosi sma kon fu singi?

  • Fa pikin e oefen makandra nanga den famiri fu go singi na ini a studio?

  • Sortu Kownukondre singi yu lobi èn fu san ede?