Yehovah seti a trowlibi èn a wani taki wan man nanga wan uma di trow tan fu têgo na makandra (Ge 2:22-24). A wan-enkri fasi fa wan trow kan broko, na te wan fu den patna du hurudu (Mal 2:16; Mt 19:9). Fu di Yehovah wani taki sma abi wan koloku trowlibi, meki a gi Kresten rai di kan yepi den fu feni wan bun trowpatna èn fu abi wan koloku trowlibi.​—Pr 5:4-6.

LUKU A FELEM SAN NA TRUTRU LOBI? BAKA DATI PIKI DEN AKSI DISI:

  • Fu san ede a rai di Frank nanga Wonnie gi den umapikin ben de bun rai èn fa a sani disi sori taki den lobi en?

  • Fu san ede na wan don sani fu denki taki yu man kenki a sma di yu e hori nanga en?

  • Sortu bun rai Paul nanga Priscilla gi Lin?

  • Fu san ede Greg nanga Megan kisi problema na ini den trowlibi?

  • San John nanga Lin ben wani du na ini a tru anbegi?

  • Fu san ede yu musu sabi fa wan sma de dipi na ini en ati fosi yu trow nanga en? (1Pe 3:4)

  • San na trutru lobi? (1Kor 13:4-8)