Go na content

Go na a tra menu

Go na table of contents

Yehovah Kotoigi

Sranantongo

Kresten libi nanga preikiwroko Studie-buku  |  december 2016

 GUDU NA INI GADO WORTU | YESAYA 1-5

„Meki wi go na a bergi fu Yehovah”

„Meki wi go na a bergi fu Yehovah”

2:2, 3

„Na ini den lasti dei”

 

„A bergi fu na oso fu Yehovah”

Dati na a tru anbegi fu Yehovah di hei moro ala trawan

„Na drape ala pipel musu go”

Den sma di teki a tru anbegi ben o kon makandra leki wan pipel di abi wánfasi

„Kon meki wi go na a bergi fu Yehovah”

Tru anbegiman e gi tra sma wan kari fu kon anbegi Yehovah tu

„A o leri wi san na den pasi fu en èn wi o waka den pasi dati”

Yehovah e gebroiki en Wortu fu leri wi fa wi musu libi na wan fasi di a feni bun

2:4

„Den no o leri fu feti moro”

Yesaya e fruteri fa fetisani o tron sani fu wroko gron. Disi wani taki dati a pipel fu Yehovah ben o suku freide. San ben de den wrokosani dati na ini a ten fu Yesaya?

„Feti-owru kon tron plugu”

1 Nanga wan plugu sma ben e diki a gron. Son plugu ben meki fu isri.1Sa 13:20

„Lansri kon tron grasinefi”

2 Wan grasinefi na wan sortu kron nefi di ben meki fu isri. Den ben e gebroiki en fu koti den taki fu den droifibon.Yes 18:5