Go na content

Go na a tra menu

Go na table of contents

Yehovah Kotoigi

Sranantongo

Wi Kresten libi nanga a preikiwroko–Studie-buku  |  augustus 2017

 WI KRESTEN LIBI

O ten mi kan dini baka leki yepi-pionier?

O ten mi kan dini baka leki yepi-pionier?

A fisyun di Esekièl kisi fu a tempel e sori taki a pipel fu Yehovah ben o tyari ofrandi gi Yehovah sondro taki sma dwengi den. Fa wi kan prèise Gado nanga den ofrandi di wi e tyari?​—Heb 13:15, 16.

Wan moi fasi fa wi kan du dati na fu dini leki yepi-pionier. A dienstyari 2018 abi wan tu mun di abi feifi satra nanga feifi sonde. Disi o de wan moi yepi gi den sma di e wroko ala dei ini a wiki. Na ini den mun dati den kan du furu na ini a preikiwroko tapu satra nanga sonde. Boiti dati, preikiman kan bosroiti tu fu wroko 30 noso 50 yuru na ini den mun maart nanga april, èn na ini den mun te a kring-opziener de na ini a gemeente.

San wi kan du efu a situwâsi fu wi no e gi wi pasi fu dini leki yepi-pionier? Wi kan meki muiti fu du a preikiwroko moro bun èn kande wi kan du moro leki san wi gwenti du. Awinsi fa a situwâsi fu yu de, meki lobi gi Yehovah gi yu deki-ati fu dini en nanga yu heri ati na ini a dienstyari 2018!​—Ho 14:2.

Fa mi kan de fayafaya neleki Sabina Hernández?

LUKU A FELEM NANGA YEHOVAH MI KAN DU BIJNA ALA SANI, ÈN PIKI DEN AKSI DISI:

  • Fu san ede Sabina wani du moro na ini a diniwroko fu Yehovah?

  • Fa na eksempre fu Sabina e gi yu deki-ati?

  • Sortu mun na ini a dienstyari 2018 yu kan dini leki yepi-pionier?