Go na content

Go na a tra menu

Go na table of contents

Yehovah Kotoigi

Sranantongo

Yesus​—En na a pasi, en na san tru, en na a libi

 KAPITEL 88

Wan kenki kon gi a gudu man nanga Lasarus

Wan kenki kon gi a gudu man nanga Lasarus

LUKAS 16:14-31

  • NA AGERSITORI FU A GUDU MAN NANGA LASARUS

Yesus gi den disipel moi rai fa fu gebroiki gudu. Ma den disipel fu en a no den wan-enkri sma di e arki. Den Fariseiman di de drape tu musu teki a rai fu Yesus. Fu san ede? Fu di den „lobi moni”. Te den yere san Yesus taki, den e „bigin spotu en”.​—Lukas 15:2; 16:13, 14.

Ma disi no abi krakti tapu Yesus. A e taigi den: „Unu e du sani fu meki trawan denki taki unu na reti-ati sma. Ma Gado sabi un ati, bika san bigi na sma ai, na wan tegu sani gi Gado.”​—Lukas 16:15.

Langa ten kaba sma e gi grani na den Fariseiman, ma a ten doro taki wan kenki o kon. Nofo tron sma e gi bigi grani na den wan di abi furu gudu, èn na den wan di abi wan hei posisi na ini politiek noso na ini kerki. Ma den sma disi o lasi a grani fu den. Na den mofinawan di sabi taki den abi Gado fanowdu o kisi grani. Yesus e sori taki wan bigi kenki o kon.

A e taki: „A Wèt nanga den buku fu den Profeiti ben de te na a ten fu Yohanes. Sensi a ten dati, sma e fruteri a bun nyunsu fu a Kownukondre fu Gado na ala sma èn ala sortu sma e du muiti fu feni en. Iya, a moro makriki fu hemel nanga grontapu lasi gowe, leki fu wán pikin pisi fu a Wèt no kon tru” (Lukas 3:18; 16:16, 17). Fa a sani disi di Yesus taki e sori taki wan kenki o kon?

Den Dyu kerki fesiman e meki bigi taki den e hori densrefi na a Wet di Gado ben gi Moses. Memre taki di Yesus ben de na ini Yerusalem, a meki wan breni man si baka. Di dati pasa den Fariseiman taki: „Wi na disipel fu Moses. Wi sabi taki Gado taki nanga Moses” (Yohanes 9:13, 28, 29). Wan fu den sani di a Wet ben musu du, na fu sorgu taki den sma di abi sakafasi ben o de srekasreka gi a ten te a Mesias, sobun Yesus, ben o kon. Yohanes a Dopuman ben sori sma taki Yesus na a Pikin Skapu fu Gado (Yohanes 1:29-34). Sensi di Yohanes bigin preiki, den Dyu di abi sakafasi, spesrutu den pôtiwan, yere fu „a Kownukondre fu Gado”. Iya, „bun nyunsu” de gi ala sma di wani saka densrefi na ondro Gado Kownukondre èn den kan kisi wini fu dati.

Ala sani di a Wet ben taki kon tru. A Wet sreka sma gi a ten te a Mesias ben o kon. Ma now a o kon na wan kaba. Fu eksempre, a Wet ben e gi pasi taki sma broko trow fu difrenti sani ede. Ma now Yesus e sori wan tra sani. A e taki: „Efu wan sma broko trow nanga en wefi èn a trow nanga wan trawan, dan a du sutadu. Efu wan sma trow nanga wan uma di broko trow nanga en masra, dan a du sutadu” (Lukas 16:18). A musu de so taki den Fariseiman di lobi meki wet gi ala sani, ati e bron te den e yere den sani disi!

Now Yesus e fruteri wan agersitori di e sori krin taki a kenki di o kon bigi srefisrefi. Na agersitori e taki fu tu man. A posisi nanga a situwâsi  fu ibriwan fu den man disi e kenki krinkrin. Te yu e luku na agersitori, dan hori na prakseri taki wan tu fu den arkiman drape na Fariseiman di lobi moni èn di e kisi grani fu sma.

Yesus e taki: „Wan man ben de di ben gudu èn a ben e weri soso diri redi-paars krosi nanga diri linnen krosi. Ibri dei a ben e meki prisiri èn a ben libi bigi. Ma wan man Lasarus ben de tu di ben e begi sma sani. Den ben gwenti poti en na a portu fu a gudu man. En heri skin ben lai soro. A ben winsi taki a ben kan furu en bere nanga den sani di ben fadon komoto fu a tafra fu a gudu man. Srefi den dagu ben kon fu leki den soro fu en.”​—Lukas 16:19-21.

Fu di den Fariseiman lobi moni, meki a de krin suma na a „gudu man” na ini na agersitori fu Yesus. Neleki a gudu man, den Dyu kerki fesiman disi lobi weri moi diri krosi. Boiti den gudu di den abi, den abi furu grani èn den man du san den wani. Iya, Yesus e agersi den man disi nanga wan man di weri redi-paars krosi fu di den abi wan hei posisi. A weti linnen krosi e sori taki den man disi abi a denki taki den bun moro trawan.​—Danièl 5:7.

Fa den gudu, heimemre fesiman disi e si den pôtiwan nanga den mofinawan? Fu di den e wisiwasi den sma disi, meki den e si den leki amharets, noso sma fu a gron (noso a doti). Den Fariseiman disi feni taki den sma disi no sabi a Wet èn den no warti fu kon sabi a Wet (Yohanes 7:49). Na dati ben de a situwâsi fu a  ’man Lasarus di ben e begi sma sani’. A man disi ben winsi taki a ben kan furu en bere nanga „den sani di ben fadon komoto fu a tafra fu a gudu man”. Den mofinasma de leki Lasarus di abi soro na en heri skin. Den kerki fesiman e wisiwasi den sma disi fu di den e si den leki sma di Gado no feni bun.

A sari situwâsi disi de wan heri pisi ten kaba. Ma Yesus sabi taki a ten doro taki bigi kenki o kon gi den sma di de leki a gudu man èn gi den sma di de leki Lasarus.

SANI E KENKI GI A GUDU MAN NANGA LASARUS

Yesus e fruteri sortu bigi kenki o kon gi a gudu man nanga Lasarus. A e taki: „Ma wan dei, Lasarus dede èn den engel tyari en go krosibei fu Abraham. A gudu man dede tu èn den beri en. We, di a ben de na ini Grebi, a opo en ai. A ben e pina. Ne a si Abraham bun fara èn Lasarus ben de krosibei fu Abraham.”​—Lukas 16:22, 23.

Den sma di e arki Yesus sabi taki Abraham dede langa ten kaba èn taki a de na ini Grebi. Bijbel e sori krin taki nowan sma na ini Grebi man si noso taki. Sobun, Abraham no man du dati tu (Preikiman 9:5, 10). San den kerki fesiman denki taki Yesus wani sori den nanga na agersitori disi? San a wani meki den sma kon frustan fu den mofinawan èn fu den kerki fesiman di lobi moni?

Didyonsro Yesus taki fu wan kenki di ben o kon. A ben taki dati „a Wèt nanga den buku fu den Profeiti ben de te na a ten fu Yohanes. Sensi a ten dati, sma e fruteri a bun nyunsu fu a Kownukondre fu Gado.” Sobun, na di Yohanes nanga Yesus Krestes bigin preiki, Lasarus nanga a gudu man dede. A situwâsi fu den kenki èn den abi wan tra posisi na fesi Gado now.

Langa ten pôti sma èn den sma di abi sakafasi no kisi leri di abi fu du nanga Gado. Ma a boskopu fu a Kownukondre yepi den èn den e gi yesi na en. Yohanes bigin preiki a boskopu disi fosi èn baka dati Yesus bigin preiki en. Fosi a ten dati, den kerki fesiman no ben e leri den sma disi furu fu Gado. A pikinso leri di den ben e kisi fu den kerki fesiman ben de leki a pikinso nyanyan di ’ben e fadon komoto fu a tafra fu a gudu man’. Now den e leri prenspari tru tori fu Gado Wortu, spesrutu den moi sani di Yesus e tyari kon na krin gi den. A de leki now fosi Yehovah Gado feni den bun.

Ma den gudu sma nanga den heihei kerki fesiman e weigri fu gi yesi na a Kownukondre boskopu di Yohanes ben e tyari gi den sma èn di Yesus e preiki na ini a heri kondre (Mateyus 3:1, 2; 4:17). Fu taki en leti, a boskopu e hati den èn den ati e bron, fu di a e sori den krin taki Gado o strafu den hebi (Mateyus 3:7-12). Den  kerki fesiman ben o breiti efu Yesus nanga den disipel fu en ben o tapu fu preiki a boskopu fu Gado. Den fesiman dati di lobi moni de leki a gudu man na ini na agersitori di e taki: „Tata Abraham, abi sari-ati nanga mi. Seni Lasarus meki a dopu a topi fu en finga na ini watra, so taki a kan kon kowru mi tongo, bika mi e pina kefalek na ini a bigi faya disi.”​—Lukas 16:24.

Ma dati no o pasa. Furu fu den kerki fesiman no o kenki. Den ’no du san den buku fu Moses èn den buku fu den Profeiti taki’. Den buku disi ben musu yepi den fu bribi taki Yesus na a Mesias di Gado seni kon èn a sma di Gado o poti leki Kownu (Lukas 16:29, 31; Galasiasma 3:24). Den kerki fesiman disi no abi sakafasi èn den no wani teki na eksempre fu den pôti sma di e bribi na ini Yesus èn di Gado feni bun now. Ma den disipel fu Yesus no kan drai den tru tori fu Gado, soso fu meki den kerki fesiman firi bun. Disi de krin fu si te wi e luku san „Tata Abraham” e taigi a gudu man na ini na agersitori fu Yesus.

A taki: „Mi pikin, prakseri taki di yu ben de na libi, yu ben kisi ala den bun sani, ma Lasarus ben kisi soso den takru sani. Now a e kisi trowstu dya, ma yu e pina kefalek. Boiti dati, wan bigi olo de na mindri wi nanga unu. Te sma dyaso ben o wani abra go na unu, den no ben o man go èn den sma drape di wani abra kon na wi, no o man kon.”​—Lukas 16:25, 26.

A fiti taki a bigi kenki disi kon èn a de wan reti sani tu. Te fu kaba den kerki fesiman di abi heimemre o lasi den grani fu den. Ma den sma di abi sakafasi èn di e teki a tyatyari fu Yesus na den tapu o kisi krakti baka èn den o leri furu sani fu Gado (Mateyus 11:28-30). A kenki disi o de moro krin fu si baka wan tu mun te a nyun frubontu o kon na ini a presi fu a Wetfrubontu (Yeremia 31:31-33; Kolosesma 2:14; Hebrewsma 8:7-13). Te Gado o meki santa yeye kon na tapu sma na a Paskafesa fu a yari 33, dan a o de krin fu si suma Gado feni bun. Gado o teki den disipel fu Yesus leki den anbegiman fu en, na presi fu den Fariseiman nanga den sma di e horibaka gi den.